Loma 2:15 - Chipangano Chabwangu

¹⁵ Imichitile yabo ilanga ukuti ifyo Amafunde afwaya fyalilembwa mumitima yabo. Kampingu wabo nawo ulashininkisha ukuti chakwebesha. Pakuba namalangulushi abo limo-limo alabashinina, elo limo-limo alabachingilila.

Loma 2:15 ပူးပေါင်းရင်းမြစ်များ

Yohane 8:9

Ulo baumfwile mfi, batatikile ukuyifuminapo umo-umo nokuya, ukubalila kubakulu. Elo pashele umwanakashi enka ekele na Yesu.

Imilimo ya batumwa 23:1

Paulo aloleseshe bashichilye nokusosa ati, “Mwe bawesu, Abaisilaeli bananji. Nshikotwishikapo mumutima wanji pabumi nali nabo kuli Lesa ukufikila nanomba.”

Imilimo ya batumwa 24:16

Echo nandibo ndesha inshita shonse ukuba nakampingu uuweme kuli Lesa nakubantu.

Loma 2:14

Abenafyalo tabakwetepo Amafunde, kuntu ulo bachita benka ifisosa Amafunde balabwenesha ukuti bali namafunde mumitima yabo, nangula tabakwetepo amafunde akwa Mosesi.

Loma 2:27

Echo abatashilimunwa abalama Amafunde, ebakwisa kupela umulandu mwe bashilimunwa, elo abakwete na Mafunde, kuntu mukoatoba.

Loma 9:1

Nkososa ifyakwebesha muli Klistu, tanshikobepapo iyowo. Nomutima wanji ukotangililwa no Mupashi Wabuta ukonsuminisha nebo ati nshisosapo bufi

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 5:11

Nomba pakuti tulishibile ati Bashikulu balingile ukubatina, tulesha ukukoselesha abantu. Lesa alitwishiba ukufikapo, elo nkochetekela ukuti namwe mwalitwishiba bwino-bwino mumitima yenu.

1 Timoti 4:2

Imisambishishe nji ifuma kubantu abachenjela mukubepa ubufi ubo abo kampingu yabo yalyonayika kubati baochele kuchela ichikabile.

Taitasi 1:15

Kubantu abaololoka imitima, ifintu fyonse fiweme. Nomba kuli bo ababi nokutachetekela, tapapo akantu nangu akanini akaololoka pantu imitima namano yabo fibipile.