Loma 2:14 - Chipangano Chabwangu

¹⁴ Abenafyalo tabakwetepo Amafunde, kuntu ulo bachita benka ifisosa Amafunde balabwenesha ukuti bali namafunde mumitima yabo, nangula tabakwetepo amafunde akwa Mosesi.

Loma 2:14 ပူးပေါင်းရင်းမြစ်များ

Imilimo ya batumwa 10:35

Alapokelela umuntu uli onse uumulomba nokuchita ifyalungama ukwambula ukulolesha pamutundu wakwe.

Imilimo ya batumwa 14:16

Mumyaka yakale Lesa alekele imitundu yonse ukulomba umo balikufwayila.

Imilimo ya batumwa 17:30

Ukuba Lesa alisulako kufintu abantu balikuchita panshita iyo batamwishibilepo, kuntu nomba akofwaya abantu mpanga yonse ukuti balapile.

Loma 1:32

Balishiba ifunde lyaku Lesa ilikoti abantu abachita mfi balinjile ukufwa. Nomba tabachitapo bwaka fyenka mfi, kuntu basuminisha nabonse abafichita.

Loma 2:12

Abenafyalo ababifya ukwambula ukwishiba Amafunde akwa Mosesi, balabifya, elo balalufiwa nangu bateshibilepo nga Mafunde. Elo bonse ababifya ulo beshibile Amafunde, balabifya, elo bakupingulwa ku Mafunde nga enka.

Loma 2:15

Imichitile yabo ilanga ukuti ifyo Amafunde afwaya fyalilembwa mumitima yabo. Kampingu wabo nawo ulashininkisha ukuti chakwebesha. Pakuba namalangulushi abo limo-limo alabashinina, elo limo-limo alabachingilila.

Loma 2:27

Echo abatashilimunwa abalama Amafunde, ebakwisa kupela umulandu mwe bashilimunwa, elo abakwete na Mafunde, kuntu mukoatoba.

1 Kolinto 11:14

Napo ichifyalilwa chesu tachisambisha ukuti chansoni umwalalume nga ateka imishishi.

1 Kolinto 9:21

Kuli bo abashikwetepo Amafunde, ndekala kubati nibo ukwebati mbanonke. Te kwebati nshikwetepo Amafunde aku Klistu.

Efeso 2:12

Nomba langulukeni ukuti inshita njilya tamwakwetepo Klistu. Mwali abenafyalo abatalipo abantu abasalwa na Lesa. Tamwakwetepo ulubali muli mfilya Lesa asuminishe nokulaya abantu bakwe. Mwalikele muchalo ukwambula ichakulindilila, ukwambula Lesa.

Efeso 2:3

Panshita njilya yenka nafwebo bonse twali nobumi ubwabuntunse. Twalikukonkelela ulunkumbwa lwamikalile yesu iyakutemwa ifyabipa. Twalikuchita ifili fyonse ifyo twalikufwaya. Echo, muchifyalilwa chesu, twalilingile ukupokelela ubukali bwaku Lesa nga abantu bambi bonse.

Filipi 4:8

Pakupwa mwe bawesu, langulukenipo fyonse ifiweme ifyo mungatondayisha: ifyachine, ifyamuchinshi, ifyalungama, ifyaololoka, ifiweme, elo nefyachindama.