Loma 2:12 - Chipangano Chabwangu

¹² Abenafyalo ababifya ukwambula ukwishiba Amafunde akwa Mosesi, balabifya, elo balalufiwa nangu bateshibilepo nga Mafunde. Elo bonse ababifya ulo beshibile Amafunde, balabifya, elo bakupingulwa ku Mafunde nga enka.

Loma 2:12 ပူးပေါင်းရင်းမြစ်များ

Mateyo 11:22

Nachine nkomweba ati, pali nkalya kasuba kabupingushi, umulandu wenu mwe wakubipisha ukuchila wabena Tule na Sidoni.

Mateyo 11:24

Echo nkomweba ichine ati, pali nkalya kasuba kabupingushi, umulandu wenu mwe wakubipisha ukuchila wabena Sodomu.”

Yohane 19:11

Yesu alyasukile ati, “Ukwambula Lesa ukukupela nshi nsambu nga taukwetepo fiso ifyakumpingula. Echo umuntu uwandetele kuli webo eukwete umulandu uukulu.”

Imilimo ya batumwa 2:23

Elo Lesa, mumapange akwe aapingwile kale ukuti Yesu akuposwa muminwe yenu. Nachine mwalimwipeye pakusuminisha abantu ababi ukuti bamusamike pamutashi.

Loma 1:32

Balishiba ifunde lyaku Lesa ilikoti abantu abachita mfi balinjile ukufwa. Nomba tabachitapo bwaka fyenka mfi, kuntu basuminisha nabonse abafichita.

Loma 4:15

Amafunde aleta ubukali bwaku Lesa, kuntu uko ukutali Amafunde takupo ukutomfwila Amafunde.

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

1 Kolinto 9:21

Kuli bo abashikwetepo Amafunde, ndekala kubati nibo ukwebati mbanonke. Te kwebati nshikwetepo Amafunde aku Klistu.

Galatiya 3:10

Bonse abashintilila imitima yabo mumilimo ya Mafunde ukwebati nga bayilama bakulungama, balilapishiwa. Pakuti Amalembo asosa ati, “Alitipwa uyo uutachitapo fyonse ifyalembwa mwibuku ilya Mafunde.”

Galatiya 3:22

Nomba Amalembo asosa ati ifintu fyonse fili mufiso ifyabubi, ukwebati uyo uuchetekela muli Yesu Klistu apokelele ishuko ilyo Lesa alayile.

Yemusi 2:10

Pakuti nga umuntu aalama onse, kuntu atobapo limo, epela ali nomulandu wakutoba onse.