Loma 2:1 - Chipangano Chabwangu

¹ Webo we upingula bambi, nangu chibe ati niwe nani, taukwetepo akabepesho. Pakuba ulo upingula abanobe, ulayipingula wemwine wenka, pakuti nawe ulachita fimo fyenka.

Loma 2:1 ပူးပေါင်းရင်းမြစ်များ

Luka 12:14

Yesu amwasukile ati, “We munanji, mba ninani uwampela ubupingushi, nangula ifiso ifyakwabanya ububoni bwenu babili?”

Luka 19:22

Imfumu yamwebele ati, ‘We mupyungi mubi! Walishiba ukuti ndimukali, elo ndabula nefitali fyanji nokulobolola umo ntaminshilemo.

Luka 6:37

“Mulokupingula bambi pakuti namwe Lesa ekamupingulapo. Mwipelapo bambi mulandu, pakuti Lesa naye ekamupapo umulandu. Banakilileni amabifyo, namwe Lesa akwisa kumunakilila.

Loma 14:22

Ifyo ukochetekela pali mfi fintu fibe pakati kobe na Lesa. Alishuka uyo uutakayikapo pafintu ifyo eshibile ukwebati filingilwe ukuchita.

Loma 2:2

Twalishiba ukuti Lesa alalungika ulo apingula abantu abachita mfi fintu.

Loma 2:3

Nomba we munanji ukopingula abantu bambi abachita mfi ulo nawe efyo uchita, napo ukolanguluka ukuti wakwisa kupuluka kubupingushi bwaku Lesa?

Loma 3:9

Mba nindo twakusosa? Napo fwe Bayuda twalichila abenafyalo? Iyowo! Ndisosele kale ati Abayuda nabenafyalo bonse nimbifi.

Loma 9:20

Mba webo, umuntu bwaka, niwe nani ukuti ulokuchita ifikansa na Lesa? Napo inongo kuti yasosa kuwayibumbile ati, “Mba mulandu ndo wamumbile mfi?”

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

1 Kolinto 7:16

Napo we mwanakashi wachetekela, kuti wayishiba shani ukuti wakwisa kupulusha umulume obe? Na we umwalalume uwachetekela, kuti wayishiba shani ukuti wakwisa kupulusha umukashi obe?

Yemusi 2:20

We kapepetoyi! Napo ukofwaya ichakubwenako ukuti ichichetekelo ichambula imilimo chabwaka?

Yemusi 4:11

Bawesu, mwilokulengululapo abanenu. Onse uulengulula umunakwe nangula ukumupingula, ekwebati alengulula nokupingula ifunde lyaku Lesa. Nomba nga wapingula ifunde lyaku Lesa, ekwebati taukolilamapo iyowo, kuntu ukolipingula bwaka.