Loma 16:19 - Chipangano Chabwangu

¹⁹ Abantu bonse balyumfwa ifyo munakila Lesa. Echo nkotemwa pamulandu wenu. Nomba nkofwaya ukuti mube nomulangwe pafintu ifiweme. Mwipumfiwapo nefibi.

Loma 16:19 ပူးပေါင်းရင်းမြစ်များ

Mateyo 10:16

“Umfweni! Nkomutuma ukubati nimbelele pakati kamimbulu. Echo chenjeleni kubati ninsoka nakambi mufuke imitima kubati ninkunda.

Luka 10:3

Kamuyeni! Nkomutuma mwebo kubati bana bambelele pakati kamimbulu.

Loma 1:8

Ichakubalilapo, nkototela Lesa wanji ukupitila muli Yesu Klistu pamulandu waku mwebo bonse, pakuti ichalo chonse chikoumfwa ifyachichetekelo chenu.

1 Kolinto 14:20

Bawesu, lekeni ukulanguluka nga utwaiche. Ukulosha kububi mube utucheche, nomba mukulanguluka kwenu, mube abakulu.

Efeso 5:17

Echo mwibapo abapuneme, kuntu mwishibe ifyo Bashikulu bafwaya ukuti muchite.

Filipi 1:9

Nkolomba ukwebati ukutemwana kwenu kulokukulilako bonse ukuchila, mukwishiba elo namukumfwisha ifintu ukufikapo.

Filipi 2:15

ukuti mube ababula umulandu, abana baku Lesa abatakwetepo akalema pakati kabantu abapetama nakambi ababi. Pakati kabantu abali mfi mulasanika kubati nimfilya intandala shiboneka panonshi

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.