Loma 16:17 - Chipangano Chabwangu

¹⁷ Nkomupapata, mwe bawesu, chenjeleni nabo abapatukanya abantu pakati kenu nokulenga abanabo ukubifya. Pakuchita mfi balasha ukusambilila uko mwapokelele. Batalukeni!

Loma 16:17 ပူးပေါင်းရင်းမြစ်များ

Mateyo 18:17

Kati akana ukubomfwila nabo, webeko abamuchilonganino chaku Lesa. Nga akana ukubomfwila abamuchilonganino, elo umuchite nga uwakunse nangu kasonkesha.

Mateyo 18:7

Ishamo kubantu bapanonshi abo abalenga abanabo ukubifya! Ina ukubifya epo kwaba, kuntu ishamo kumuntu uyo uulenga abantu bambi ukubifya!

Mateyo 7:15

“Chenjeleni nabasoseshi ababufi. Mba besa kuli mwe bakoboneka kubati nimbelele, kuntu mukati mimbulu iikali.

Luka 17:1

Yesu asosele kubakusambila bakwe ati, “Ifintu filenga abantu ukubifya eko fyaba, kuntu alishama uyo fishilamo!

Imilimo ya batumwa 15:24

Twalyumfwile ukuti abalalume bambi abamuli fwe balishile uko ukumusakamika nokumufulunganya imitima kufyo balikusosa. Mwandi mba bantu tefwepo twabatumine iyowo.

1 Kolinto 11:18

Ichakubalilapo, ndyumfwile ati ulo mulongana kulaba ukupatukana pakati kenu. Ukuba nandibo kumbi nkochetekela ati mfi fyachine. (

1 Kolinto 3:3

Muchili abantu bwaka. Pali mwe pachili umufimbila nefitala. Napo mfi tafikomushininapo ukwebati muchili abantunse? Napo tamukoyikalapo nga bantu bapanonshi

Galatiya 2:4

Elo bamo balikufwaya ukuti ashilimunwe. Balikuyilanga ukuba bawesu, kuntu bayishile ukulengulula ubwanalale ubo twakwata muli Klistu Yesu. Balikufwaya ukutuchita abasha.

Filipi 3:17

Mwe bawesu, mulokutenteka nebo. Elo poseni amano kuli bo abakoenda munshila iyo twamubweneshe.

Kolose 2:8

Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

2 Tesalonika 3:6

Bawesu, tukomukonkobesha mwishina lyaku Bashikulu Yesu Klistu ukuti mutalamukeko kuli bawesu bonse abanang’ani nakambi abatafwayapo ukukonka ifyo twamusambishe.

1 Timoti 1:3

Kubati nimfiya nakwebele ulo nalikuya ku Masedoniya, wikale mu Efeso nokukanya abo abakosambisha ifyabufi.

2 Timoti 3:5

Bakulama tufuto twakulomba, kuntu bakukana ifiso fyatuko. Abantu bamfi, ulokubatalamuka.

Taitasi 3:10

Umuntu uwafikansa, muchenjesheni imiku ibili. Kati takokumfwilapo, mutalukeni.

1 Yohane 2:19

Mba bantu bali nafwebo kale, kuntu tabalipo bebumba lyesu. Ababa bamwibumba lyesu nga twayikele nabo. Lelo balifumine ukuti baboneke ati tabali bamwibumba lyesu.

Yuda 1:19

Abantu abali mfi ebalenga pali mwebo ukulekanya. Elo bakonkela bwaka mufyabuntunse. Tabakwetepo Umupashi Wabuta.