Loma 16:12 - Chipangano Chabwangu

¹² Nkoposha umutende kuli Tulayifena nakuli Tulayifosa, bo abapyunga umulimo waku Bashikulu nefiso. Muposhe umutende na Pesisi umutemwekwa wanji, alichitile ifinji mukupyungila Bashikulu.

Loma 16:12 ပူးပေါင်းရင်းမြစ်များ

Mateyo 5:47

Nga mukoposha umutende bawenu benka-benka, chindo mwachitapo ukuchila bambi? Napo abatayishiba Lesa nabo tefyopo bachita?

Mateyo 9:38

Echo lombeni kumwine wababulobololo ukuti atume abakulobolola.”

Loma 16:11

Muposhe umutende kuli Helodiyoni, Umuyuda munanji, nakuli bawesu abena Klistu abamunanda yakwa Nakisusi.

Loma 16:13

Nkoposha umutende kuli Lufusi, uwachinchila mukupyungila Bashikulu, nakuli banyina bo abali kubati nibama.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

1 Kolinto 16:16

Echo nkomupapata bawesu ukuti mulokumfwila abantu bamfi, elo na onse uupyunga umulimo mukuyipela pamo nabo.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

1 Timoti 4:10

Emulandu tupyungila nefiso nokulwisha, pakuti ichichetekelo chesu chaba muli Lesa uwabumi uyo uuli Mupulushi wabantu bonse, nokuchilapo abo abachetekela.