Loma 15:8 - Chipangano Chabwangu

⁸ Nachine nkomweba ati, Klistu aalukile umupyungi wa Bayuda ukulanga ukuti Lesa wachishinka. Mukuchita mfi alilangile ichine chafilayano fyaku Lesa ifyo apangile nefikolwe fyesu,

Loma 15:8 ပူးပေါင်းရင်းမြစ်များ

Mateyo 15:24

Elo Yesu asosele kumwanakashi ati, “Natumwa bwaka kubena Isilaeli abali kubati nimbelele ishaluba.”

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Yohane 1:11

Ayishile kuchalo chakumwabo, kuntu abantu tabamupokelelepo.

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Imilimo ya batumwa 13:46

Nangu chali mfi, Paulo na Banabasi babilikishe ukwambula umwenso nokuti, “Chali ichalinga ukuti amashiwi aku Lesa abilishiwe kuli mwebo pakutatika. Apo mwaliyakana nokuyibonesha ukuti tamulingile ubumi butapwa, twakumusha nokuya kubenafyalo.

Loma 11:22

Nomba mwishibe ukuti Lesa wankumbu, elo mukali. Mukali kuli bo abawa, kuntu wankumbu kuli mwebo chikulu tamusulapo inkumbu shakwe. Nga chakuti mwasula, akumuputulako.

Loma 11:30

Akale mwe abenafyalo tamwalikumfwilapo Lesa. Nomba Lesa amubela ichisa pantu Abaisilaeli tabamunakilepo Lesa.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

Loma 3:26

Nomba achitile mfi ukubonesha ifyo ali, nabantu ukuti beshibe ati mulungami. Elo ni Ye uulungamika nambalya abachetekela muli Yesu.

Loma 3:3

Nga chakuti bambi muli bo tabachetekelwa? Napo nchi chikoyalula ukwebati Lesa naye aba uutachetekelwa?

Loma 4:16

Echo ubulayo bwayimakene pachichetekelo ukwebati ubulayo mbu bushininkishiwe ukuba ubupe bwaku Lesa kubana bonse abakwa Abulahamu. Te kuli mbalya benka abalama Amafunde akwa Mosesi iyowo, kuntu nabo abachetekela kubati nimfilya Abulahamu achetekele. Pakuti Abulahamu echikolwe chesu tonse.

1 Kolinto 1:12

Ifyo nkososa nimfi ifyakuti umbi akososa ati, “Nebo ndiwakwa Paulo,” umbi naye ati, “Ndiwakwa Apolosi,” umbi naye ati, “Nebo ndiwakwa Kefasi,” elo umbi naye ati, “Nebo ndiwaku Klistu.”

1 Kolinto 10:19

Mba nindo nkososapo? Napo ipupo tupipila tungosa wakubasa lyaba nakantu? Napo tungosa wakubasa nato tulipo nakantu?

1 Kolinto 10:29

Nomba te wepo uungachula kumalangulushi, kuntu ningulya uwakubushako. Nalimo kuti wasosa ati, “Mba ubwanalale bwanji kuti bwapingulwa shani namalangulushi amuntu umbi?

1 Kolinto 15:50

Icho nkomweba bawesu chakuti umuntu nomubili wakwe uwamunafi tangenjilamo mubufumu bwaku Lesa. Elo fyonse ifibola tekuti finjilepo uko ifintu fitabola.

2 Kolinto 1:20

Elo ifintu fyonse Lesa alayile fyachitikile na “Ina” enka ngu. Echo muli Yesu Klistu tusosa ati, “Ameni,” mukuchinshika Lesa.

Efeso 2:12

Nomba langulukeni ukuti inshita njilya tamwakwetepo Klistu. Mwali abenafyalo abatalipo abantu abasalwa na Lesa. Tamwakwetepo ulubali muli mfilya Lesa asuminishe nokulaya abantu bakwe. Mwalikele muchalo ukwambula ichakulindilila, ukwambula Lesa.