Loma 15:31 - Chipangano Chabwangu

³¹ Munombeleko ukuti Lesa anchingilile ukwebati niwilapo mumaboko abantu abatachetekela ku Yudeya. Nakambi munombele ukwebati abantu baku Lesa abamu Yelusalemu bakapokelele ifyabupe mfi bantuma ukwebati nkabapele.

Loma 15:31 ပူးပေါင်းရင်းမြစ်များ

Imilimo ya batumwa 22:24

Elo umukulu wabashilikali wabena Loma aebele abantu bakwe ukuti bekate Paulo, bamwinjishe munanda elo bamupame nefikoti ukuti basange umulandu ulengele Abayuda ukuchita chimfulunganya.

Imilimo ya batumwa 25:2

Elo intungulushi shabachipupila nabachilolo ba Bayuda bayishile kuli ye ukupela umulandu Paulo. Apapatile Fesitasi

Imilimo ya batumwa 25:24

Elo Fesitasi asosele ati, “We mfumu Agilipa namwebo bantu bonse muli mpano. Mwamubona ngu muntu uwo Abayuda bonse abekala nkuno nabaku Yelusalemu batakofwaya. Baletele ukuyilishanya kuli nebo nokukonkobesha ukuti alingile bwaka ukufwa!”

Imilimo ya batumwa 9:13

Ulo aumfwile mfi Ananiyasi ayasukile ati, “Bashikulu nalyumfwa kubenji imilandu yonse iibi iyo ngu muntu achita kubantu benu mu Yelusalemu.

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

Loma 15:25

Pali njino nshita, nkoya ku Yelusalemu mukwafwilisha abantu baku Lesa nkulya.

1 Kolinto 16:15

Mwe bawesu, mwalishiba ati Sitefanasi nabamunanda yakwe ebakwamba ukuchetekela muchalo cha Akaya. Elo balipele mukubombela abantu baku Lesa.

2 Kolinto 1:10

Ye ewatupulwishe kumachushi aya mfi angatuletela imfwa, elo akutupulusha nakambi. Pali ye twashintililapo ichichetekelo ichakuti akutupulusha nakambi.

2 Kolinto 8:4

Ukwambula ukubakakatisha, balitupapatile ukuti tubasuminishe ukwebati nabo bafwilisheko abantu baku Lesa abaku Yudeya.

2 Kolinto 9:1

Tanshilingilepo nokumulembela pabwafwilisho tukopela abantu baku Lesa abaku Yudeya.

2 Kolinto 9:13

Pakuti ichabupe bwenu nchi chikomuchitila bukamboni ubwakuti inkumbu shenu shachine, bo bakutondayisha Lesa pamulandu wakunakila Ubutumi Bwawama ubwaku Klistu ubo muyebelela. Bakuchita mfi nakambi pamulandu wakwakana nabantu bo elo nabambi ifintu ifyo mukwete.

1 Tesalonika 2:15

Emba abayipeye Yesu Klistu nabasoseshi bakale pamo nafwebo. Mba bantu tabakosekeshapo na Lesa. Elo balapatana nabantu bonse.

2 Tesalonika 3:2

Elo mulokutulombelako ukuti Lesa atupokololeko kubantu ababi pakuti tebonsepo abachetekela iyowo.

2 Timoti 3:11

amachushi yanji, amafya yanji, nefintu ifyo ifyanchitikile ku Antiyoki, Ikoniyamu naku Lisitula. Nalichulile ukwinekantu. Nomba Bashikulu balimpulwishe pali fyonse mfi.

2 Timoti 4:17

Nomba Bashikulu balikele pamo nandibo, nokumpela ifiso ukuti mbilishe amashiwi yabo ukufikapo ukwebati abenafyalo bomfwe. Ekwebati nalipuluka mukanwa kankalamo.