Loma 15:3 - Chipangano Chabwangu

³ Pakuti Klistu tayisekeshepo umwine enka, kuntu ukubati nimfilya Amalembo asosa ati, “Amashiwi yamusalula ayo balikukusalula ayisa pali nebo.”

Loma 15:3 ပူးပေါင်းရင်းမြစ်များ

Mateyo 10:25

Chiweme ukwebati uwakusambila alingane nomusambishi wakwe, elo umusha naye alingane nabashikulu bakwe. Kati umukulu wananda bamwita ati ni Belesebule, palibufi abamunanda yakwe?

Mateyo 26:39

Ulo Yesu aendeleko panini akatalamukila awile panshi ubwifuneme, nokulomba ati, “Bata, kati kuti chalinga, fumyenipo ndu lunkombo ulwabuchushi. Nangu chibe mfi, kwiba kubati kufwaya kwanji iyowo, kuntu ukufwaya kwenu eko kuchitike.”

Mateyo 26:42

Yesu alibwelelemo umuku wachibili, aya mukulomba ati, “Bata kati ulunkombo ndu ulwamachushi talwafumepo pali nebo, chiteni ukufwaya kwenu.”

Mateyo 27:44

Elo notupondo utwasamikilwe pamo nakwe, nato twalimwebawile kumo.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Yohane 15:24

Nga nshachitilepo milimo iyishachitwapo kale nomuntu, nga tabakwata ukubifya. Nangu baliibona imilimo yanji, kuntu balimpata nebo pamo na Bata.

Yohane 4:34

Yesu asosele kuli bo ati, “Ichakulya chanji kumfwila uyo uwantumine nokushilisha umulimo wakwe uwo ampele ukubomba.

Yohane 5:30

“Apanenka tekuti nchitepo akantu nangu kamo munsambu shanji. Nebo mpingwila bwaka mwenka umo Lesa anjebela. Elo ubupingushi bwanji bwaba ubwalungama pakuti nshichitapo ifyo nemwine mfwaya, kuntu ifyo uyo uwantuma afwaya.

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Yohane 8:29

Uyo uwantuma aba pamo nanebo, tanshabapo nenka iyowo pantu lonse nchita ifimusekesha.”

2 Kolinto 8:9

Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.

Filipi 2:5

Echo bonse mube nomutima uwo Klistu Yesu akwete:

Filipi 2:8

Klistu aliichefeshe nokuba uwachumfwila ukufikila kumfwa, ina, kumfwa yakwe iyapamutashi.