Loma 15:29 - Chipangano Chabwangu

²⁹ Ndishibile ukuti ulo nakwisa kuli mwe, nakumuletela amashuko ayenji ayaku Klistu.

Loma 15:29 ပူးပေါင်းရင်းမြစ်များ

Imilimo ya batumwa 19:21

Ulo mfi fyonse fyachitikile, Paulo apingile ukuya ku Yelusalemu, ukupita muchalo cha Masedoniya naku Akeya. Alangulukile ati, “Nga nafuma nku, nakuya ku Loma.”

Loma 15:23

Imyaka iinji nalikufwaya ukwisa kuli mwe. Nomba ndishilile imilimo yamuchifulo nchi. Echo nkolanguluka ukwisa kumubona

Loma 15:32

Panuma, nga kufwaya kwaku Lesa, nakwisa kuli mwe nokutemwa.

2 Kolinto 1:15

Pakuti pali mfi nali uwachetekela, nalilangulukile ukwebati njise mutandalile ukwebati mushukishiwe pakumutandalila imiku ibili.

Efeso 1:3

Katutondayishe Lesa Wishi waku Bashikulu Yesu Klistu. Muli Klistu ngu alitushukisha namashuko onse ayakumupashi ayo Klistu atuletele ukufuma kumulu.

Efeso 3:19

Nkolomba ukuti mwishibe ukutemwa nkulya ukwaku Klistu ukutangeshibikwa ukufikapo ukwebati mwiulemo nobumi ubwaku Lesa umwine ukufikapo.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Efeso 4:13

Echo pakupelako bonse twakufika kuli bumo ubo busangwa pakuchetekela nokwishiba Umwana waku Lesa. Elo twakwimakana ndi nokuba nobwikashi ubwafikapo ubwaku Klistu.