Loma 15:14 - Chipangano Chabwangu

¹⁴ Mwe bawesu, nalishininkisha ukwebati mulikwete ubumi ubuweme, mulishibile fyonse ifisuma nokusambishanya.

Loma 15:14 ပူးပေါင်းရင်းမြစ်များ

1 Kolinto 1:5

Echo muli Klistu muli bachindama pali fyonse, ukuchilapo mukusosa namukwishibisha konse.

1 Kolinto 12:8

Umupashi Wabuta ngu upela umuntu umbi amano ayakusosa ifyamulangwe, umbi naye Umupashi umo wenka upela ubupe ubwakusosa namano.

1 Kolinto 13:2

Nangu ndi nechabupe ichakusambisha, nangu nalishiba ifyamubumfisolo fyonse, nokumfwikisha fyonse, nangu ningakwata ichichetekelo ichakusesha impili, nomba nga nshikwetepo ukutemwa, tanshipo kantu.

1 Kolinto 8:1

Nomba nkofwaya ukwasuka pamulandu mwanembele wafyakulya bapupilila tungosa wakubasa. Nachine bonse tulikwete amano, nomba amano enka alenga umuntu ukuyitutumuna. Ichitemweko echimaka.

1 Kolinto 8:10

Nga chakuti umo akubona webo uwayishiba ubuntungwa ubo ukwete ukoya munanda yakulombelamo tungosa wakubasa, napo nchi tekuti chimupelepo insambu shakulya ifyo bapupila tungosa wakubasa?

1 Kolinto 8:7

Nomba te bonsepo abeshibile mfi. Bambi balibelesha ukupupa tungosa wakubasa. Ukufika nanduno nga balya ifyo bapupila tungosa wakubasa, balanguluka ukuti ichakulya nchilya chapelwa kutungosa wakubasa. Nomba pakuti kampingu wabo uunakile, elo bayilanguluka ukuba abakowela kuchakulya nchi.

2 Kolinto 8:7

Kubati nimfilya muli abachila muli fyonse: Mukuchetekela, mukusosa, mukwishiba, mukufwayilisha ukwafwa namukututemwa. Efyo mukachilepo namukupela nku ukwakwafwilisha.

Efeso 5:9

Pakuba apali ukusanika pasangwapo ubune, ubulungami nefyachine fyonse.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 1:7

Ndamwibukisha nokumulangulukapo bonse, pakuba efyo chilingile ukuba. Pakuti mwebo twayikatana nane mwishuko ndi Lesa ampela, ulo ndimuchifungo nolo nali mubwanalale mukuchingilila nokushininkisha Ubutumi Bwawama.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

1 Tesalonika 5:11

Nomba mulokukoseleshanya nokwafwana umo nomunakwe nga mfilya mukochita kale.

1 Tesalonika 5:14

Mwe bawesu, tukomupapata ukuti muchenjeshe abanang’ani, mukoseleshe abena Klistu abakutintilila, mwafwilisheko abanaka. Mulokuteka umutima kubantu bonse.

2 Tesalonika 1:11

Ngu emulandu twamulombelako kuli Lesa ukuti mube abalinga mubwite bwenu. Elo tukolomba ukuti, mufiso fyakwe, amukoseleshe ukuchita ifiweme fyonse ifyo mukokabila ukuchita muchichetekelo chenu.

2 Timoti 1:5

Inshita shonse ndalanguluka nechichetekelo chobe ichinenene. Ichichetekelo nchilya ichali muli bambuya bobe ba Loisi namuli banoko ba Yunisi. Elo nkochetekela ukuti nawebo uli nacho.

Filimoni 1:21

Ulo nkolemba mfi, ndishibile ukwebati wakuchita ifyo nkokupapata. Ndishibile ukwebati wakuchisha ukuchita pali mfi nakupapata.

Hebele 5:12

Nangula inshita iyakuti mwatatika ukusambisha bambi ikumene, kuntu chikofwayika ukuti umbi amusambishe ifyakutatika amashiwi aku Lesa. Mulingile ukupelwa umukaka muchifulo chakulya ifikosele.

Hebele 6:9

Nomba mwebo mwe batemwekwa banji, nangu tukososa mfi, tatukomutwishikapo. Twalishiba ukuti muli nalyo ishuko ilimutwala kuchipulusho chenu.

2 Petulo 1:12

Echo shalekepo ukumwibukisha mfi inshita shonse nangu mulifishibile kale, elo mulachetekela ichine icho mwapokelele.

1 Yohane 2:21

Nshikomulembela pamulandu wakuti tamwishibilepo ichine iyowo, kuntu ukuti mulishibile. Elo mulishibile ukuti ubufi tabwingafuma muchine.