Loma 14:9 - Chipangano Chabwangu

⁹ Pakuti Klistu alifwile nokubuka ukufuma kubafwa ukuti abe Shikulu wabonse ababumi nabafwa.

Loma 14:9 ပူးပေါင်းရင်းမြစ်များ

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Luka 24:26

Kanshi tachaweme Uwasubwa waku Lesa ukuti achulile mfi fintu, elo enjile mumuchinshi wakwe?”

Yohane 12:24

Nachine nkomweba ati, nga uluseke lwaku tiligu taluponene mumushili nokufwa, lulaba lumo bwaka. Nga lwafwa, elo lumena nokutwala inseke ishinji.

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Imilimo ya batumwa 10:42

Nakambi Yesu atwebele ukusambisha Ubutumi Bwawama kubantu ukubeba ati eye Lesa asala ukuti abe kapingula wabantu abomi nabafwa.

Loma 10:9

Nga waebelela nakanwa kobe ati Yesu Eshikulu obe, elo nokuchetekela nomutima obe onse ukuti Lesa alimubusha kubafwa, ukapuluka.

2 Kolinto 5:14

Chitemweko chaku Klistu echikotutungulula. Pakuba tulachetekela ukwebati umo alitufwilile bonse, echo bonse balifwa.

1 Tesalonika 4:14

Tulachetekela ukuti Yesu alifwa nokubuka, nakambi munshila imo yenka tulachetekela ukwebati bo abafwile nechichetekelo muli Yesu, Lesa akubabusha nokubasenda pamo na Yesu.

1 Tesalonika 5:10

Ye alitufwilile ukuti tube nobumi pamo nakwe, nangula tuli abomi nangu abafwa ulo akwisa.

2 Timoti 4:1

Pachinso chaku Lesa nechaku Klistu Yesu uyo uwakupingula abomi nabafwa, nkokukonkobesha, pamulandu wakwisa kwaku Klistu napabufumu bwakwe, ukuti

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

1 Petulo 4:5

Mba bantu bakwisa londolola benka umulandu wabo kuli Lesa, uwayipekanya ukulubulwisha abomi nabafwa.

Ukufisulula 1:18

Nine uyo uuli nobumi. Nalifwile, kuntu nomba ndi nobumi umuyayaya. Ndikwete ifiso pamfwa elo napachalo chabafwa.

Ukufisulula 2:8

“Uutangilila ichilonganino chaku Simuna umulembele: “Nga mashiwi aafuma kuli uyo uuli ekutatika nokulekelesha, uyo uwafwile nomba ali nobumi.