Loma 14:4 - Chipangano Chabwangu

⁴ Mba niwe nani uupingula umupyungi wamuntu umbi? Shikulu wakwe ewingeshiba nga achita bwino nangula afilwa. Nomba ndishibile ukuti akuchita bwino pakuti Bashikulu ebakumwafwilishako.

Loma 14:4 ပူးပေါင်းရင်းမြစ်များ

Imilimo ya batumwa 11:17

Nomba kati Lesa alibapele ichabupe ukubati nimfilya atupele ulo twachetekele muli Bashikulu Yesu Klistu, nga kanshi nebo nine nani uwingakanya Lesa?”

Loma 11:23

Elo nga abena Isilaeli basha ukutachetekela kwabo nokupilibuka, Lesa akubakambatika pachiti nabo. Lesa wafiso, kuti achita fyonse mfi.

Loma 14:3

Uyo uulya akantu akali konse elokusekapo uyo uutalya. Elo uyo uulya umusalu wenka elokupingulapo umunakwe uulya fyonse pantu Lesa alimupokelela.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

Loma 9:20

Mba webo, umuntu bwaka, niwe nani ukuti ulokuchita ifikansa na Lesa? Napo inongo kuti yasosa kuwayibumbile ati, “Mba mulandu ndo wamumbile mfi?”

Hebele 7:25

Pamulandu wakwe engapulusha bo abesa mupepi na Lesa ukupitila muli Ye, pakuti ngu ali nobumi inshita shonse ukuti abalombele.

1 Petulo 1:5

Mwebachetekela Lesa akomusunga nefiso fyakwe ukuti mukapokelele chipulusho icho Ye akufisulula panshita yakulekelesha.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.