Loma 14:22 - Chipangano Chabwangu

²² Ifyo ukochetekela pali mfi fintu fibe pakati kobe na Lesa. Alishuka uyo uutakayikapo pafintu ifyo eshibile ukwebati filingilwe ukuchita.

Loma 14:22 ပူးပေါင်းရင်းမြစ်များ

Imilimo ya batumwa 24:16

Echo nandibo ndesha inshita shonse ukuba nakampingu uuweme kuli Lesa nakubantu.

Loma 14:14

Ndishibile bwino muli Bashikulu Yesu ukwebati Lesa alasuminisha ukulya ifyakulya fyonse. Nomba nga umuntu achilanguluka ukuba ichibi, echo kuli ye chilabipa.

Loma 14:2

Ichichetekelo chamuntu umo kuti chamusuminisha ukulya ichili chonse, kuntu umbi uwanaka muchichetekelo alalya bwaka umusalu.

Loma 14:23

Nomba uyo uukokayika ulo alya ichintu, alibifishe kale, pakuti ifyo achita tefyopo ashininkishe ukwebati efilingile ukuchita. Echo ichili chonse umuntu akochita ukwambula ukuchetekela ukuti chiweme, chibi.

Loma 14:5

Umuntu umo kuti alanguluka ukwebati akasuba kamo kaliweme ukuchila inshinakwe. Elo umuntu umbi engalanguluka ukwebati inshiku shonse shalilingana. Echo umuntu onse alingile ukuchita ifyo ashininkisha mumutima wakwe.

Loma 2:1

Webo we upingula bambi, nangu chibe ati niwe nani, taukwetepo akabepesho. Pakuba ulo upingula abanobe, ulayipingula wemwine wenka, pakuti nawe ulachita fimo fyenka.

Loma 7:15

Tanshayishibapo ifyo nchita. Pakuti tanshichitapo ifyo mfwaya ukuchita, kuntu ifyo napata efyo nchita.

Loma 7:24

Nebo naba umuntu uwachikonko! Mba ninani uwakumpulusha kubwikashi mbu ubukontwala kumfwa?

1 Kolinto 8:7

Nomba te bonsepo abeshibile mfi. Bambi balibelesha ukupupa tungosa wakubasa. Ukufika nanduno nga balya ifyo bapupila tungosa wakubasa, balanguluka ukuti ichakulya nchilya chapelwa kutungosa wakubasa. Nomba pakuti kampingu wabo uunakile, elo bayilanguluka ukuba abakowela kuchakulya nchi.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

Galatiya 6:1

Mwe bawesu, nga umo wakumwebo awila muchibi ichili chonse, mwe bakotungululwa no Mupashi Wabuta mulingile ukumubwesha. Muchite mfi nomutima wabufuke. Elo muchenjele ukwebati namwebo mwiwilamo mukweshekwa.

Yemusi 3:13

Ninani pali mwe uuli nomulangwe nokumfwikisha? Ayilange enka ukupitila mumikalile yakwe iiweme, namuli mfilya achita ifyamulangwe mukuyichefya.

1 Yohane 3:21

Mwe batemwekwa banji, nga kampingu wesu tatushininapo, teti tukwate umwenso pachinso chaku Lesa.