Loma 14:18 - Chipangano Chabwangu

¹⁸ Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

Loma 14:18 ပူးပေါင်းရင်းမြစ်များ

Maliko 13:34

Chaba kubati umuntu ulo talayima nokusha inanda yakwe pakuya mufyalo, kubala asha alanga abapyungi bakwe umo-umo umulimo wakwe, nokweba malonda ukulinda.

Yohane 12:26

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Imilimo ya batumwa 10:35

Alapokelela umuntu uli onse uumulomba nokuchita ifyalungama ukwambula ukulolesha pamutundu wakwe.

Loma 12:11

Mupyungile Bashikulu nefiso fyonse. Mwibapo abanang’ani iyowo.

Loma 14:4

Mba niwe nani uupingula umupyungi wamuntu umbi? Shikulu wakwe ewingeshiba nga achita bwino nangula afilwa. Nomba ndishibile ukuti akuchita bwino pakuti Bashikulu ebakumwafwilishako.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

Loma 6:22

Nomba mwalilubulwa kububi, echo kamupyungila Lesa, nechilambu chenu bumi ubwakwipelesha kuli Ye. Elo kumupwilo mwakupoka ubumi butapwa.

1 Kolinto 7:22

Pakuba umuntu uwali musha ulo bamwitile Bashikulu, ye muntungwa wa Bashikulu. Chimo chine, uwali umuntungwa naye bamwitile, musha waku Klistu.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

2 Kolinto 5:11

Nomba pakuti tulishibile ati Bashikulu balingile ukubatina, tulesha ukukoselesha abantu. Lesa alitwishiba ukufikapo, elo nkochetekela ukuti namwe mwalitwishiba bwino-bwino mumitima yenu.

2 Kolinto 5:9

Echo nangu tuli muno nangu muli Bashikulu, tufwaya ukubasekesha.

2 Kolinto 6:4

Nomba muli fyonse tulayilanga abapyungi baku Lesa pakushipikisha ukwinekantu mumachushi, mukufinya namumafya.

2 Kolinto 8:21

Fwebo tukofwaya ukuchita ifiweme, tepamensopo aku Bashikulu bwaka, kuntu napamenso aabantu.

Filipi 4:18

Nalifipoka fyonse, elo nafifula. Nalikwata fyonse ifyo nkabila nomba pakuti napokelela kuli Epafuloditasi ifyabupe ifyo mwantumine. Fili kubati ipupo ilyabwema ubwanunkila, kubati ipupo ilyo Lesa apokelela, ilimusekesha.

Filipi 4:8

Pakupwa mwe bawesu, langulukenipo fyonse ifiweme ifyo mungatondayisha: ifyachine, ifyamuchinshi, ifyalungama, ifyaololoka, ifiweme, elo nefyachindama.

Kolose 3:24

Mulokwibukisha ukuti Bashikulu bakumulambula fyonse ifyo balayile abantu babo. Muli fyonse mfi ni Klistu Bashikulu benu epela ebo mupyungila.

1 Timoti 2:3

Mfi fyonse fiweme nakambi filasekesha Lesa Umupulushi wesu,

1 Timoti 5:4

Nomba ichokolo nga chili nabana nangula abeshikulu, abantu mba balingile ukusambilila imilimo yaku Lesa kunanda yabafyashi babo. Pakuchita mfi bakubwesha abafyashi babo ifyo bapokelele ukufuma kuli bo. Pakuti mfi efisekesha Lesa.

1 Petulo 2:12

Muchenjele nefyo mwikala nabantu abatachetekela, ichakuti nangu basose ati imilimo yenu mibi, kuntu babone ukuti iiweme. Elo bakuchinshika Lesa pakasuba ako akwishilamo.

1 Petulo 2:20

Mba chilambu ndo mungabwenamo kati bakomupama pamulandu wakubifya kwenu? Nomba nga mukoshipikisha ukupamwa pakuti mwachita ichiweme, ekwebati mwachita ichisekesha Lesa.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Petulo 3:16

Ikaleni nomutima uwabula akantu ukwebati abo abakomusuula pamulandu wamibele yenu iiweme muli Klistu mubanshe nsoni.