Loma 14:13 - Chipangano Chabwangu

¹³ Nomba umwina Klistu onse epingulapo umunakwe. Elo achenjele ukuti echitapo chimo ichingalenga ukuba ichipunwisho kumunakwe.

Loma 14:13 ပူးပေါင်းရင်းမြစ်များ

Mateyo 16:23

Nomba Yesu alyalukile nokwebaula Simoni Petulo ati, “Fuma mpa Satana! Pantu ifyo ukolanguluka tefyaku Lesa iyowo, kuntu fyabuntu.”

Mateyo 18:7

Ishamo kubantu bapanonshi abo abalenga abanabo ukubifya! Ina ukubifya epo kwaba, kuntu ishamo kumuntu uyo uulenga abantu bambi ukubifya!

Mateyo 7:1

“Mulokupingulapo bambi, pakuti namwe Lesa ekamupingulapo.

Luka 12:57

“Nindo mutayipingwila mwebene pakuchita ichintu ichiweme?

Luka 17:2

Nga chalinga ukumukakila ichilibwe chakupelako mumukoshi wakwe nokuposwa muli bemba, ukuchila ukulenga umo uwaku mba abanini ukubifya.

Loma 11:9

Elo Davide alisosele ati, ‘Lekeni ukusefya kwakulya kwabo kube ati chitembo, ukwebati batelentente nokupelwa ichibalingile.’

Loma 14:10

Nomba webo, nindo ukopingula wenu? Bonse bwaka twakupingulwa na Lesa.

Loma 14:3

Uyo uulya akantu akali konse elokusekapo uyo uutalya. Elo uyo uulya umusalu wenka elokupingulapo umunakwe uulya fyonse pantu Lesa alimupokelela.

Loma 14:4

Mba niwe nani uupingula umupyungi wamuntu umbi? Shikulu wakwe ewingeshiba nga achita bwino nangula afilwa. Nomba ndishibile ukuti akuchita bwino pakuti Bashikulu ebakumwafwilishako.

Loma 16:17

Nkomupapata, mwe bawesu, chenjeleni nabo abapatukanya abantu pakati kenu nokulenga abanabo ukubifya. Pakuchita mfi balasha ukusambilila uko mwapokelele. Batalukeni!

1 Kolinto 10:32

Ubumi bwenu bwilenga Abayuda, abenafyalo nangula ichilonganino chaku Lesa ukubifya.

1 Kolinto 11:13

Kanshi nomba ipinguleni mwebene nga chakuti chiweme umwanakashi ukulomba kuli Lesa nga tafimbilepo kumutwi wakwe.

2 Kolinto 5:14

Chitemweko chaku Klistu echikotutungulula. Pakuba tulachetekela ukwebati umo alitufwilile bonse, echo bonse balifwa.

2 Kolinto 6:3

Tatubikapo ifyakuyitutulako abantu munshila, ukutina ukwebati umulimo wesu ungasuulwa.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

1 Timoti 5:14

Echo kanshi nkofwaya ukuti ifyokolo ifyayiche fyupwe nokufyala abana nokusunga amananda yabo pakuti ifipondo fyesu filokutusekulukapo.

Yemusi 2:4

napo pakuchita mfi tamwishibilepo ukwebati mukoyikwatila akapatulula mwenka nokwipingula namalangulushi aabi?

Yemusi 4:11

Bawesu, mwilokulengululapo abanenu. Onse uulengulula umunakwe nangula ukumupingula, ekwebati alengulula nokupingula ifunde lyaku Lesa. Nomba nga wapingula ifunde lyaku Lesa, ekwebati taukolilamapo iyowo, kuntu ukolipingula bwaka.

1 Yohane 2:10

Uyo watemwa wakwe ayikala mulubuto, elo tapapo nangu chimo muli ye chakumunenusha.

Ukufisulula 2:14

Nomba kuli ifintu fimbi ifyo nkokukalipilapo. Kwaliba abantu bambi abakonka ukusambisha kwakwa Balaamu, uyo uwasambishe Balaki ukutungulula abena Isilaeli ukubifya ulo abebele ukuti balye ifyapupilwe kuli tungosa wakubasa nokuchita ubulale-lale.