Loma 13:9 - Chipangano Chabwangu

⁹ Amafunde akoti, “Wilokuchita buchende, wiyipaya, wilokwiba, wilokukumbwa,” namafunde aambi ayashalako, alisoswa mukwipifya mwifunde limo ndi ilikoti, “Ulokutemwa umunobe kubati nimfilya wayitemwa wemwine.”

Loma 13:9 ပူးပေါင်းရင်းမြစ်များ

Mateyo 22:39

Ilyakonkapo nalyo nindi lilikubati linakwe likoti, ‘Ulokutemwa umunobe kubati nimfilya wayitemwa wemwine!’

Maliko 10:19

Walishiba amafunde aku Lesa asosa ati, ‘Wilokwipaya, wilokuchitapo buchende, wilokwiba, wilokubepeshapo umunobe, wilokuchenjelekapo abantu, chinshika bawiso nabanoko.’”

Maliko 12:31

Ifunde ilyakonkapo nalyo, nindi ilikoti, ‘Ulokutemwa umunobe kubati nimfilya wayitemwa wemwine.’ Amafunde ambi aachilapo pali nga takupo.”

Luka 10:27

Amwasukile ati, “‘Ulokutemwa Bashikulu Lesa obe nomutima obe onse, nobumi bobe bonse, nefiso fyobe fyonse, namano obe onse.’ Nakambi, ‘Ulokutemwa umunobe kubati nimfilya wayitemwa wemwine.’”

Luka 18:20

Walishiba amafunde aeba ati, ‘Wilokuchitapo buchende, wilokwipaya, wilokwiba, wilokubepapo umunobe, chinshika bawiso nabanoko.’”

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.