Loma 13:8 - Chipangano Chabwangu

⁸ Mwilokuba nenkongole kumuntu nangu umo kano nji iyakutemwana umo nomunakwe. Uutemwa wakwe, alama ifyo ifisosa Amafunde aku Lesa.

Loma 13:8 ပူးပေါင်းရင်းမြစ်များ

Mateyo 7:12

“Fyonse ifyo mukofwaya ukuti abantu bamuchitile, efyo namwebo mulokubachitilako. Pakuti nku ekusambisha kwamafunde akwa Mosesi nabasoseshi.

Yohane 13:34

Nomba nkomupela ifunde ilyabwangu ilyakuti mulokutemwana umo nomunakwe. Ukubati nimfilya nebo namutemwa, efyo mulingile ukutemwana.

Loma 13:10

Uwatemwa wakwe, tekuti amubifishepo iyowo. Echo ukutemwa kulama ifisosa amafunde onse.

Loma 13:7

Echo lipileni kuli bonse fyabo fyonse, mupele umusonko kuli bakasonkesha, ifyakulipila uko mulingile ukulipila. Mutine abo mulingile ukutina, elo peleni umuchinshi kubalingile ukupelwa umuchinshi.

Galatiya 5:14

Pakuti Amalembo onse aku Lesa akunkanikwa mwifunde limo ilyakuti, “Ulokutemwa umunobe kubati nimfilya wayitemwa wemwine.”

Kolose 3:14

Pali mfi fyonse, mube nokutemwa pantu ukutemwa ekukumbinkanya fyonse pamo muchine.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

Yemusi 2:8

Elo nga mwalama ifunde lyaku Bashikulu ilyalembwa mu Malembo ati, “Ulokutemwa umunobe kubati nimfilya wayitemwa wemwine,” mwachita ichiweme.

1 Yohane 3:10

Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.