Loma 13:7 - Chipangano Chabwangu

⁷ Echo lipileni kuli bonse fyabo fyonse, mupele umusonko kuli bakasonkesha, ifyakulipila uko mulingile ukulipila. Mutine abo mulingile ukutina, elo peleni umuchinshi kubalingile ukupelwa umuchinshi.

Loma 13:7 ပူးပေါင်းရင်းမြစ်များ

Mateyo 17:25

Petulo alyasukile ati, “Alatula.” Ulo Petulo ayinjile munanda, Yesu abangililepo ukumweba ati, “Webo Simoni ukolangulukapo shani? Kanshi imfumu shachalo nikulibani shipoka umusonko? Napo nikubantu bashiko nangula nikuli bambi?”

Mateyo 22:21

Nabo bamwasukile ati, “Fyakwa Kayisale.” Elo abebele ati, “Kanshi peleni kuli Kayisale ifyakwa Kayisale, nakuli Lesa ifyaku Lesa.”

Maliko 12:17

Elo Yesu asosele kuli bo ati, “Ina, kanshi peleni kuli Kayisale ifyakwa Kayisale, nakuli Lesa ifyaku Lesa.” Mbalya bantu balishimbilwe ukwinekantu pakwasuka kwakwe.

Luka 20:22

Twebeko, napo amafunde esu alasuminisha ukusonka musonko kuli kateka mukulu waku Loma, nangula iyowo?”

Luka 20:25

Epo Yesu asosele kuli bo ati, “Chiweme, peleni kuli Kayisale ifyakwa Kayisale, nakuli Lesa ifyaku Lesa.”

Luka 23:2

Nkulya batatikile ukumwebaula ati, “Twayikete ngu muntu pakuti akolufyanya abantu besu. Akobeba ati mwilokupelapo imisonko kuli kateka mukulu waku Loma nakambi akoeba ukuti Ewasubwa waku Lesa, imfumu.”

Loma 12:10

Mutemwane ukwinekantu mubuwenu. Mupelane umuchinshi.

Loma 13:6

Emulandu wine mulipilila nomusonko pantu intungulushi shikopyungila Lesa ulo shichita ngu mulimo.

Efeso 5:33

Echo umulume uuli onse alingile ukutemwa umukashi wakwe kubati nimfilya ayitemwa umwine. Elo umwanakashi onse alingile ukutemwa umulume wakwe.

Efeso 6:5

Mwe basha, mulokumfwila bashikulu wenu abapanonshi mumwenso namukututuma. Chiteni mfi nemitima iyachine, kubati mukochitila Klistu.

1 Timoti 5:13

Elo belaba abanang’ani nokwendauka mumananda yabantu bambi. Tempa penka, balakwata nolwambo, balayiposa mufyabambi nokusosa ifitabalingile.

1 Timoti 5:17

Abakulu bachilonganino abatangilila bwino ifilonganino fyabo, balingile ukuchinshikwa ukwinekantu. Muchishepo pali bo ababilisha nokusambisha amashiwi aku Lesa.

1 Timoti 6:1

Abasha bonse balingile ukupela umuchinshi kuli bashikulu wabo, ukuti abantu besebanyapo ishina lyaku Lesa nefyo tusambisha.

1 Petulo 3:7

Namwebo mwe balume mulokwikala bwino nabakashi benu. Mulingile ukubachinshika pakuti bo bantu abatakosele. Elo mwakupokelela pamo ichabupe chabumi butashila icho Lesa akupela mubwanshi bwakwe. Mulokuchita mfi ukuti pebapo akakulesha ukulomba kwenu.