Loma 13:11 - Chipangano Chabwangu

¹¹ Echo mulokuchita mfi pakuti mulishibile ukuti inshita yakubuka mutulo ilifikile. Nachine, inshita iyakupuluka kwesu ilipalamine ukuchila ifyo chali ulo twachetekele.

Loma 13:11 ပူးပေါင်းရင်းမြစ်များ

Mateyo 16:3

Namuluchelo mweba ati, ‘Lelo kukoba imfula iinekantu pantu kumulu kwaba amakumbi aaswetele nafitile fititi.’ Mwalishiba ukwilula ifiboneka iwulu, kuntu chilamukanga ukwilula ifyakubwenako ifyanduno.

Luka 21:28

Ulo mfi fyakuchitika imakaneni, musansule imitwi yenu pakuti ukupuluka kwenu kwafika apepi.”

1 Kolinto 10:11

Fyonse mfi fyalibaponene ukwebati fibe ifyakubwenako kuli bo. Nomba fyalilembelwe ukuti fituchenjesheko fwebo fwe bali nobumi munshiku shakupelako.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

Efeso 5:14

Pakuba ichili chonse ichibonekela apatubile chilasanguka ukusanika. Kubati nimfilya chalembwa ati, “Bukeni webo weulele, buka kubafwa, elo Klistu akukusanikila.”

Yemusi 5:8

Namwebo tekeni imitima yenu, koseni pakuti Bashikulu bali mupepi nokwisa.

1 Petulo 4:7

Nomba kumupwilo wafintu fyonse kwapalama. Echo mube abachenjela nokwikanya pakuti mulokulomba bwino.

2 Petulo 3:11

Nomba pakusanga ukuti ifintu fyakuba mfi, mulingile ukuba abantu bamusango shani? Mulingile ukwikala ababuta mukulomba kwenu.

2 Petulo 3:9

Tekwebati Bashikulu bakoshinga-shinga pakufikilisha ubulayo bwabo, kubati nimfilya bambi balanguluka, kuntu bakoteka umutima. Tabafwayapo ukuti umo aonayike, kuntu ukuti bonse balapile.

1 Yohane 2:18

Mwe bana banji, nji ninshita yakupelako! Mwalyebelwe ukuti ichipondo chaku Klistu chakwisa. Nomba ifipondo fyaku Klistu ifinji nafiboneka kale. Echo tulishibile ukuti nji ninshita yakupelako.

Ukufisulula 1:3

Alishuka umuntu upenda ibuku ndi. Balishuka nabo abomfwa amashiwi amuli ndi buku nokulama ifyalembwamo. Pakuti inshita iyo fyakuchitikilamo fyonse mfi ili apepi.

Ukufisulula 22:10

Elo asosele kuli nebo ati, “Wifisapo amashiwi ayakososa ifyakuntanshi ayali muli ndi buku pakuti inshita yafiko ili mupepi.

Ukufisulula 22:12

Yesu asosele ati, “Boneni, nakwisa bwangu! Nakwisa nechilambu chandi mukupela umuntu umo-umo ukulingana nemilimo yakwe.

Ukufisulula 22:20

Uyo uukopela bukamboni kumashiwi nga akoti, “Ina, nkoyisa bwangu.” Ameni. Iseni Bashikulu Yesu!