Loma 13:1 - Chipangano Chabwangu

¹ Umuntu onse alingile ukumfwila intungulushi shabuteko. Pakuti tapapo umuntu uukwete ubutungulushi ubushafuma kuli Lesa. Echo intungulushi ishilipo ni Lesa uwashibika.

Loma 13:1 ပူးပေါင်းရင်းမြစ်များ

Mateyo 6:13

Mwitulekelesha mukwesheka, kuntu mutupokeko kumubi.’

Yohane 19:11

Yesu alyasukile ati, “Ukwambula Lesa ukukupela nshi nsambu nga taukwetepo fiso ifyakumpingula. Echo umuntu uwandetele kuli webo eukwete umulandu uukulu.”

Imilimo ya batumwa 2:41

Echo abenji balyumfwile nokuchetekela amashiwi akwa Petulo, elo balibatishiwe penka pakasuba nkalya. Kubati amakana atatu ebalundilweko kubantu abachetekela.

Loma 12:21

Mwilokuchimfiwa nobubi, kuntu mubuchimfye mukuchita ifiweme.

Loma 13:2

Pakuti uyo onse uutanakilapo intungulushi nshi akokana ichabikilwe na Lesa. Elo uuchita mfi, ayiletela ubupingushi.

Efeso 5:21

Pakuti mulatina Klistu, mulokumfwana umo nomunakwe.

1 Timoti 2:2

Lombeleniko imfumu nabonse abali mubutungulushi ukuti bende mumutende, mubuleme namukuchinshika.

Taitasi 3:1

Ulokubebukisha abantu bobe ukuti balokunakila ishamfumu nentungulushi. Balokubomfwila nokubomba bwino imilimo yonse.

Yuda 1:8

Elo abantu banomba balachita fyenka mfilya. Mukukonka ifibonwa fyabo, balonaula imibili yabo, balakana insambu shaku Bashikulu nokulokutuka abaleme baku Lesa.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 17:14

Mba bakulwa no Mwana wambelele, kuntu Ye pamo nabantu bakwe abayitwa, abasalwa nakambi abachetekela bakuchimfya pakuti Ye ni Mfumu ishamfumu nakambi ni Ntungulushi ishantungulushi.”

Ukufisulula 19:16

Pamwinjila wakwe napachibelo chakwe palilembelwepo ishiwi ilikoti, “Imfumu iyashamfumu, Bashikulu wabashikulu bonse.”