Loma 12:8 - Chipangano Chabwangu

⁸ Nga bwakukoselesha bambi, katubakoseleshe. Uyo uupela, kalokupela nomutima onse. Uyo ukotungulula atungulule, mwakwipela na uyo uukwatila inkumbu bambi, alokuchita mfi nokutemwa.

Loma 12:8 ပူးပေါင်းရင်းမြစ်များ

Mateyo 25:40

Elo Imfumu yakubasuka ati, ‘Nachine nkomweba ati, ulo mwayafwilishe umo uwakuli mba abali kubulilwa, ninebo mwayafwilishe.’

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Imilimo ya batumwa 13:12

Ulo kateka abwene ifyachitikile, alichetekele. Alishimbilwe ukwinekantu pakumfwa amashiwi aku Bashikulu.

Imilimo ya batumwa 13:15

Ati bapwe ukupenda Amafunde akwa Mosesi nabasoseshi, abakulu bachilonganino basosele kuli bo ati, “Mwe bawesu, kati mulipo namashiwi yakukoselesha abantu, soseni.”

Imilimo ya batumwa 15:32

Elo Yuda na Sailasi abali abasoseshi, balundilepo ukukoselesha abachetekela namashiwi ayenji, ayakutalalika imitima yabantu.

Imilimo ya batumwa 20:2

Apitile monse mufifulo mfilya nokukonkobesha abena Klistu namashiwi ayenji. Elo ayile kuchalo cha Akeya,

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 4:36

Elo kwalipo nomuntu umo uwalikwitwa Yosefe, umwina Lefi, uwafyalilwe muchalo cha Saipulasi, uwo abatumwa balikwita Banabasi, (ilikoyalula “Umuntu Uchinchisha.”)

Loma 12:13

Peniko ifyakwafwilisha kubena Klistu banenu abatakwetepo. Pokelelenipo abalwendo namaboko abili.

Loma 13:6

Emulandu wine mulipilila nomusonko pantu intungulushi shikopyungila Lesa ulo shichita ngu mulimo.

1 Kolinto 12:28

Muchilonganino Lesa alibikamo mba: pakwamba abatumwa, muchabubili abasoseshi, muchabutatu abasambishi. Abikilemo abantu abangachita ifyafiso ifikulu, abakwete ifiso ifyakuposha, bambi ifyakwafwilishako, bambi ifyakutungulula, nabambi ifyakusosa mundimi ishapusana-pusana.

1 Kolinto 14:3

Nomba uusosa amashiwi aafuma kuli Lesa, asosa kubantu, elo alabafwilishako, alabakoselesha nokubasangalasha.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 11:3

Nomba nkotina ukuti kubati nimfilya insoka yabepele Efa mubuchenjeshi bwayiko, namwe imitima yenu ingabepwa nokukana yipela kuli Klistu nomutima wenu onse.

2 Kolinto 8:12

Nga umuntu akofwaya ukupela, Lesa alapokelela mukutemwa ubupe ubo umuntu ngulya akwete. Echo tabapatikisha ukuti apele ifyo takwetepo.

2 Kolinto 9:11

Akumuchindamika muli fyonse ukwebati mulokupela inshita shonse, elo abenji bakutondayisha Lesa pamulandu wabupe bwenu ubo twakubatwalilako.

2 Kolinto 9:13

Pakuti ichabupe bwenu nchi chikomuchitila bukamboni ubwakuti inkumbu shenu shachine, bo bakutondayisha Lesa pamulandu wakunakila Ubutumi Bwawama ubwaku Klistu ubo muyebelela. Bakuchita mfi nakambi pamulandu wakwakana nabantu bo elo nabambi ifintu ifyo mukwete.

2 Kolinto 9:7

Chila muntu apele kubati ifyo apekenye mumutima wakwe. Temukuyilishanyapo nangu ukukakatishiwa, pakuti Lesa atemwa uupela nokusangalala.

Efeso 6:5

Mwe basha, mulokumfwila bashikulu wenu abapanonshi mumwenso namukututuma. Chiteni mfi nemitima iyachine, kubati mukochitila Klistu.

Kolose 3:22

Namwe basha, umfwileni bashikulu benu abamuno chalo mufintu fyonse. Mwilokubanakila bwaka ulo balipo pakuti bamutote iyowo, kuntu nolo batalipo mulokupyunga nemitima iyachishinka pamulandu wakuchinshika Bashikulu.

1 Tesalonika 2:3

Pakuba ifyo tukomusambisha tafipo mukufwaya ukumubepa nangula ukumulangulukila ifibi nangula ukutachenjeleka umuntu.

1 Tesalonika 2:8

Twalimutemenwe ukwinekantu ichakuti twalipekenye ukwabana namwebo, te Butumi Bwawama bwaku Lesa bwenka iyowo, kuntu nobumi bwesu.

1 Timoti 4:13

Ukufikila ulo nakwisa, wipele ukubapendela nga amashiwi, ukushimikila nokusambisha.

1 Timoti 5:17

Abakulu bachilonganino abatangilila bwino ifilonganino fyabo, balingile ukuchinshikwa ukwinekantu. Muchishepo pali bo ababilisha nokusambisha amashiwi aku Lesa.

1 Timoti 6:18

Ubakoseleshe ukuti balokuchita ifiweme, ukuti abantu beshibilepo ati babuboni ukupitila mumilimo iiweme, nokuti bakane nomutima umo nabanabo.

Hebele 10:25

Twilekapo ukulongana pamo kubati nimfilya ifikochita bambi. Nomba fwebo tulokukoseleshanya pakuti akasuba kaku Bashikulu kakopalamina.

Hebele 13:17

Mulokumfwila intungulushi shenu nokushikonka. Pakuti ebaletangata ubumi bwenu ukwambula ukutusha, elo bakolindila ukufisulula ifyamilimo yabo pamenso yaku Lesa. Nga mwabomfwila, bakulapyunga imilimo yabo nokusekelela. Nga tamuchitilepo mfi, bakupyunga nensoni. Elo nchi tachakamwafwepo.

Hebele 13:22

Nkomupapata mwe bawesu, mulokumfwilako amashiwi nga ayakukoselesha pakuti ndilembele mubwipi.

Hebele 13:24

Mutuposesheko umutende kuntungulushi shenu nabantu baku Lesa bonse. Abantu bonse abaku Itali bakomuposha umutende.

Hebele 13:7

Mulokwibukisha intungulushi shenu ishalikusosa amashiwi aku Lesa. Ibukisheni ifyabaponene pamulandu wabwikashi bwabo nakambi twalilileni muchichetekelo chabo.