Loma 12:7 - Chipangano Chabwangu

⁷ Nga bwakupyunga katupyunge. Nga bwakusambisha, katusambishe.

Loma 12:7 ပူးပေါင်းရင်းမြစ်များ

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Yohane 3:2

Ayile kuli Yesu ubushiku nokumweba ati, “We musambishi, twalishiba ukuti uli musambishi uwatumwa na Lesa. Takupo nangu umo uwingachita nji milimo iyafiso ifikulu iyo ukochita, sembi Lesa ali pamo nakwe.”

Imilimo ya batumwa 13:1

Muchilonganino ichaku Antiyoki mwalipo abasoseshi baku Lesa nabasambishi bambi. Mba niba Banabasi na Simyoni (uwalikwitwa Chifita), Lusiyasi (uwaku Kuleni) Manayeni (uwalelelwe pamo nemfumu Helodi) na Saulo.

Imilimo ya batumwa 20:20

Mwalishiba ukuti tanshakwetepo akaso kakumweba ichintu icho nayishibile ukuti chakumwafwa mwebo, kuntu nalikusambisha nokubilisha palwalala namumananda yenu.

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 6:1

Elo muli nshilya nshiku, abachetekela balikufulilako. Nomba tapalipo ukumfwana pakati ka Bayuda abalikusosa Ichigiliki nambalya abalikusosa Ichiyuda. Aba Chigiliki balikuyilishanya ukuti bamukamfwilwa babo tabalikubapelapo ifyabupe ifyanshiku shonse.

1 Kolinto 12:28

Muchilonganino Lesa alibikamo mba: pakwamba abatumwa, muchabubili abasoseshi, muchabutatu abasambishi. Abikilemo abantu abangachita ifyafiso ifikulu, abakwete ifiso ifyakuposha, bambi ifyakwafwilishako, bambi ifyakutungulula, nabambi ifyakusosa mundimi ishapusana-pusana.

1 Kolinto 12:5

Pali ishila shapusana-pusana ishakubombelamo, nomba Bashikulu abo tubombela bamo benka.

1 Kolinto 14:26

Findo nakusosa bawesu? Ulo mulongana pamo, umbi ali nolwimbo, umbi neshiwi alefwaya ati asambilishe, umbi ali nakantu kambi ako Lesa amufisulwila, umbi naye akusosa mundimi ishitayishibikwapo, elo umbi naye wakwalula. Nomba fyonse mfi fichitwe mukukoselesha ichilonganino.

Galatiya 6:6

Umuntu onse uusambilishiwa amashiwi aku Lesa alingile ukwakana ifintu fyonse ifiweme nangulya uukomusambisha.

Efeso 4:11

Eye uwapele ifyabupe kubantu. Apele bambi ukuti babe abatumwa, bambi abasoseshi, bambi bakabilisha, bambi bachembela nabasambishi.

Kolose 4:17

Elo musose kuli Akipasi mwati, “Ulokupyungisha pamulimo uyo bakupela kuli Bashikulu ukuti ukaufikilishe.”

1 Timoti 2:7

Echo antumine ukuba kabilisha nomutumwa. Nkosambisha abenafyalo ifyachichetekelo nechine. Nachine nkososa ifinenene, tanshikobepapo iyowo.

1 Timoti 3:2

Intanjishi yachilonganino ilingile ukuba umuntu uwambula akalema, uwaba nomwanakashi umo epela, uwamutembo, uwakuyilama, uwamuchinshi, uupokelela bwino abalwendo, elo uwayishiba ukusambisha.

1 Timoti 4:16

Ulokwilama bwino wenka nokusambisha uko ukwete. Utwalilile ukupyunga, winakapo, pantu nga wachita mfi, emo wakupulukilamo pamo nabo abakoumfwa kuli webo.

1 Timoti 5:17

Abakulu bachilonganino abatangilila bwino ifilonganino fyabo, balingile ukuchinshikwa ukwinekantu. Muchishepo pali bo ababilisha nokusambisha amashiwi aku Lesa.

2 Timoti 2:2

Amashiwi onse waumfwile kuli nebo pamenso yabakamboni abenji, uyasose kubantu abachetekela abo bakwisa kusambisha bambi.

2 Timoti 2:24

Umupyungi waku Bashikulu talingilepo ukuba uwalubuli iyowo, kuntu uwamutima uuweme kubantu bonse. Alingile ukuba umuntu uwayishiba bwino ukusambisha nomutima umo.

2 Timoti 4:2

ubilishe amashiwi aku Lesa. Ubilishe ulo abantu bayipekenye nolo tabayipekenye ukuyomfwa. Ubatalike, ubachenjeshe, ubakoseleshe nokubasambisha umutima-nteka.