Loma 12:3 - Chipangano Chabwangu

³ Ukupitila mufiso ifyo Lesa ampela mubwanshi bwakwe, nkomukonkobesha ukuti mwilokuyitutumuna. Nachine mube nomutembo mumalangulushi enu ukulingana nobukulu bwachichetekelo chenu icho Lesa apela umo-umo pali mwe.

Loma 12:3 ပူးပေါင်းရင်းမြစ်များ

Luka 18:11

Elo umu Falisi alimakene nokulomba apaenka ati, ‘Nkomutotela mwe Lesa pakuti nshapalanapo nabantu bambi, abachenjeleka, abatalungama, abachende, nabonse bwaka, nangula kubati ningu uwamusonko.

Yohane 3:34

Uyo uwatumwa na Lesa eusosa amashiwi aku Lesa, pakuba Lesa alimupela Umupashi Wabuta ukufikapo.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Loma 11:20

Ina, chakwebesha. Balikontweke pakuti tabachetekelepo. Nomba mwebo mulikele kuchiti pantu mukochetekela. Echo mwiyitutumuna, kuntu muchenjele.

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 12:16

Mulokumfwana lonse. Mwiitutumunapo, kuntu mutemwane nabantu bwaka. Mwilokuyilangulukapo ukuba abamulangwe.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

1 Kolinto 3:10

Ukubomfya ichabupe icho Lesa ampele, nalibombele umulimo nga inchenshi mukwimaka nokuwamya umufula, elo umbi akoyimakapo. Nomba umo naumo alingile ukuchenjela umo emakila.

1 Kolinto 7:17

Umuntu onse alingile ukwikala nobumi ubo Lesa amwitilemo. Mfi efyo nkoeba abantu bonse abamufilonganino.

2 Kolinto 10:13

Nomba fwebo tatukoyitutumunapo ukuchila pamalile. Twalafika bwaka mumalile awo Lesa atulingile, aafika nakuli mwe.

2 Kolinto 12:13

Napo pali ichintu chimo icho nshamuchitileko ukuchila ifilonganino fimbi fyonse, ukuchila nchi ichakuti niba kubati katundu wakumulemena? Munjeleleko ukubifya nku.

2 Kolinto 12:7

Nomba ukutina ukwebati ningayitutumuna pamulandu wafikulu ifinji ifyo Bashikulu bamfisulwile, nalipelwe ichifinya ukwinekantu mumubili wanji, chali nintumi yakwa Satana ichali kunchusha ukwebati ningayitutumuna ukuchilapo.

Galatiya 6:3

Nga chakuti umuntu akoyilanguluka ukuba akantu, elo tapapo nefyo aba, akoyipunamika enka.

Efeso 3:2

Mwalyumfwile ukuti Lesa alimpele umulimo wakubilisha kuli mwebo ifyabwanshi bwakwe.

Efeso 3:4

Ulo mukopenda mfi, mwakwishiba ukuti ndomfwikisha ichabumfisolo ichaku Klistu.)

Efeso 4:16

uutungulula umubili onse, nokulundanya pamo ifilewa fyonse. Elo ichilewa chonse chalikwata umulimo wachiko. Echo umubili onse ulakula nokukosa mukutemwa.

Filipi 2:13

Pakuba Lesa eubombela muli mwebo ukuti mufwaye nokuchita ifimusekesha Ye.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

Kolose 2:13

Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

1 Timoti 1:14

Echo ubwanshi bwaku Bashikulu ubwinji bwalishile pali nebo. Alimpele ichichetekelo nokutemwa ifyo tukwete ukupitila muli Klistu Yesu.

1 Timoti 2:15

Nomba umwanakashi akwisa kupulukila mukufyala bana, ichikulu ashipikisha mukuyichefya, muchichetekelo, muchitemweko, elo nomutima uwabuta.

1 Timoti 2:9

Elo nkofwaya abanakashi ukuti balokufwala bwino mumuchinshi uulingile. Mukuyiwamya kwabo belokulukapo imishishi nangula ukufwala ifyagolide, ukufwala utwakuyiwamisha tumbi nefyakufwala ifyamutengo uukulu.

Taitasi 2:12

Ubwanshi mbu butusambisha ukuti tutalamukeko kubumi ubwamusalula nolunkumbwa ulwamufyachalo. Butusambisha ukuba abakwilama, abaololoka nokuchinshika Lesa muli nji nkulo.

Taitasi 2:2

Eba abalalume abakulu ukuti babe abateka imitima, abakwilama abene, abamano mubuchetekelo, mukutemwa namukushipikisha.

Taitasi 2:4

Elo ukuti balokusambisha abanakashi abayiche ukutemwa abalume nabana babo,

Taitasi 2:6

Munshila imo yenka, mwebe abalumbwana ukuba abayilama.

Yemusi 4:6

Nomba alatukwatila ubwanshi ukwinekantu. Echo Amalembo asosa ati, “Lesa alatalika abayikusha, kuntu alakwatila ubwanshi abafuuka.”

1 Petulo 1:13

Echo imitima yenu ibe iyayipekanya. Mube abayiluka. Mushintilile nomutima onse mukulindila kwenu pabwanshi bwaku Lesa ubo mwakupokelela ulo Yesu Klistu akuboneka.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

1 Petulo 4:7

Nomba kumupwilo wafintu fyonse kwapalama. Echo mube abachenjela nokwikanya pakuti mulokulomba bwino.

1 Petulo 5:5

Namwebo mwe balumbwana mulokumfwila abakulu. Elo bonse mube abayipekanya ukupyungilana mukuyichefya. Amalembo asosa ati, “Lesa alatalika abayikusha, kuntu alapela ubwanshi kubayichefya.”

1 Petulo 5:8

Mulokutekanya nokuba abayibukila, pakuti akapondo kenu Satana akoyendauka uku nauku nge nkalamo ibuluma iikofwaya uwakwikata.

3 Yohane 1:9

Nalilembele kalata kuchilonganino, kuntu Diyotulefesi, uufwaya ukuba intungulushi yabo, taposelepo amano kufyo nalikusosa.