18 Mweshe ukwikala mumutende nabantu bonse.
bala ushe ichipupo chobe nkulya kuntanshi yachipupililo uye muwikishanye pamo nawenu, elo wakwisa kupela ubupe bobe kuli Lesa.
“Balishuka bo abayichefya, pakuti Lesa akubapela ichalo abalayile.
“Balishuka bo abaleta umutende, pakuti Lesa akubeta abana bakwe.
“Umuchele waliwama, kati umuchele wakubuluka, mba ukoyisa kulowa nendo? “Beni nawo umuchele uwakutemwana muli mwe, nakambi ikaleni umutende umo nomunakwe.”
Echo nkofwayisha ukwinekantu ukubilisha Ubutumi Bwawama nakuli mwebo mwe bena Loma.
Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.
Echo nomba, tuchitepo ifintu ifileta umutende nokukoseleshanya.
Nomba uutachetekela kati akofwaya ukubenga umwina Klistu, kamubenge. Nga chaba mfi, umulume uwachetekela nangu umukashi takakwapo. Pakuba Lesa alimwita ukuti mwikale mumutende.
Echo mwe bawesu, shalenipo umutende. Mweshe ukuba abafikapo, nakilileni kufyo nkomweba, mulokumfwana, elo mwikale mumutende. Elo na Lesa uwakutemwa nomutende akuba namwe.
Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,
Elo mweshe ukulama bumo mu Mupashi Wabuta pakwikatana pamo mumutende.
Muchitemweko, mulokubapela umuchinshi uukulu pamulandu wamulimo bakobomba pali mwebo. Mulokwikala nomutende pakati kenu.
Elo webo utalukeko kumibele iibi iyabulumbwana. Uchite bwaka ifyalungama, ichichetekelo, ichitemweko nomutende pamo nabantu bonse abachinshika Bashikulu nomutima wabuta.
Esheni ukwikala nobumi bwabuta nabantu bonse munshila iilungeme, pakuti tapapo nangu umo uwakubona Bashikulu nga talungeme.
Aleke ifibi, achite ifiweme. Afwayilishe umutende nokuukonka.
