Loma 12:13 - Chipangano Chabwangu

¹³ Peniko ifyakwafwilisha kubena Klistu banenu abatakwetepo. Pokelelenipo abalwendo namaboko abili.

Loma 12:13 ပူးပေါင်းရင်းမြစ်များ

Mateyo 25:35

Pantu ulo nali nensala mwalimpele ichakulya. Nali nechilaka mwalimpele amenshi aakunwa. Nali umulwendo mwalimpokelele.

Imilimo ya batumwa 10:4

Ulo Koneliyasi abwene umungelo ngu, alitinine nokusosa ati, “Nindo bamfumu?” Elo umungelo asosele kuli ye ati, “Lesa atemwa ukulomba kobe pamo nemilimo yobe iyakwafwilisha iyo ukochita. Echo akofwaya ukukwasuka.

Imilimo ya batumwa 4:35

balikuleta kubatumwa. Nabo balikwakanya bonse ukulingana nokuchula kwamuntu.

Loma 12:8

Nga bwakukoselesha bambi, katubakoseleshe. Uyo uupela, kalokupela nomutima onse. Uyo ukotungulula atungulule, mwakwipela na uyo uukwatila inkumbu bambi, alokuchita mfi nokutemwa.

1 Kolinto 16:15

Mwe bawesu, mwalishiba ati Sitefanasi nabamunanda yakwe ebakwamba ukuchetekela muchalo cha Akaya. Elo balipele mukubombela abantu baku Lesa.

2 Kolinto 9:1

Tanshilingilepo nokumulembela pabwafwilisho tukopela abantu baku Lesa abaku Yudeya.

2 Kolinto 9:12

Umulimo ngu mukochitila abantu baku Lesa, tamukoafwilisha bwaka pafyo batakwetepo, kuntu bantu abenji bakutondayisha Lesa ukwinekantu.

Galatiya 6:10

Echo ulo tulineshuko, lekeni tuchite ifiweme kubantu bonse, ukuchilapo kuli bawesu mbalya abachetekela.

1 Timoti 3:2

Intanjishi yachilonganino ilingile ukuba umuntu uwambula akalema, uwaba nomwanakashi umo epela, uwamutembo, uwakuyilama, uwamuchinshi, uupokelela bwino abalwendo, elo uwayishiba ukusambisha.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

Taitasi 1:8

Nomba abe uupokelela bwino abalwendo, uwatemwa ifiweme, uwayibaka, uuchita ifyalungama, uwabuta, nakambi uwatekanya.

Taitasi 3:14

Abantu besu balingile ukusambilila ukuchita imilimo iiweme ukuti bafwilishe apo balinjile ukwafwilisha. Tabalingilepo ukuba nobumi ubwabwaka.

Filimoni 1:7

We wesu ukutemwa kobe kulansekesha nokunchinchisha ukwinekantu. Elo ulasekesha nemitima yabantu baku Lesa bonse.

Hebele 13:16

Mwilokulabukilapo ukuchita ifiweme nokwafwilishanya pakuti mfi efipupo ifisekesha Lesa.

Hebele 13:2

Mulokwibukisha ukupokelela abalwendo mumananda yenu. Bambi abachitile mfi akale, balipokelele abangelo ukwambula ukwishiba.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

1 Petulo 4:9

Pakutandalilana mulokutebetelana ukwambula ukuyilishanya.

1 Yohane 3:17

Nga umuchindami abona wakwe akokabila ubwafwilisho, kuntu tamwafwile, ukutemwa kwaku Lesa kwaba shani muli Ye?

3 Yohane 1:5

We mutemwekwa, ukochita muchine ulo wafwilisha abena Klistu banobe, ukuchilapo abeni.