Loma 12:12 - Chipangano Chabwangu

¹² Mulokusekelela mukulolela kwenu. Shipikisheni munshita shamachushi. Elo mulokulomba lonse.

Loma 12:12 ပူးပေါင်းရင်းမြစ်များ

Mateyo 5:12

Angeni nokusekelela pakuti ichilambu chenu kumulu chikulu. Pakuti mfi efyo bachushishe nabasoseshi abamutanjilile.

Luka 10:20

Nomba mwisekelela nanchi ichakuti imipashi iibi ikomumfwila, kuntu sekeleleni pakuti amashina enu alilembwa kumulu.”

Luka 21:19

Mube abakosele, elo mwakwipulusha mwebene.

Luka 8:15

Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Imilimo ya batumwa 1:14

Mba bonse balikulongana libili-libili mukulomba pamo na Maliya banyina baku Yesu nabawakwe Yesu pamo nabanakashi bambi.

Imilimo ya batumwa 12:5

Ulo Petulo ali muchifungo, abena Klistu bayikelefye ukumulombela kuli Lesa.

Imilimo ya batumwa 2:42

Abachetekela mba balikukumana inshita shonse ukuti bomfwe ifyo abatumwa balikusambisha. Balikwikala mubwana-nkashi, balikulya nokulombela pamo.

Imilimo ya batumwa 6:4

Nomba fwebo twakutwalilila bwaka ukulomba nokushimika.”

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 15:4

Fyonse ifyalembwa mu Malembo fyalembelwe ukutusambisha fwebo. Nga Amalembo akotusambisha ukuteka umutima ukwebati tube ukulolela nokukoseleshiwa ukwakufikapo.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Loma 8:25

Elo nga tukolindila icho tatulabonapo tulingile ukulindila nomutima-tenka.

1 Kolinto 13:13

Pakuba pali ifintu fitatu: ichichetekelo, ukulindilila nechitemweko. Nomba muli mfi, ichikulu ukuchilapo kutemwa.

2 Kolinto 12:8

Elo nalilombele Bashikulu imiku itatu ukuti bachifumye.

Filipi 3:1

Pakulekelesha bawesu, nkomweba ati, sangalaleni muli Bashikulu. Tanshatendwepo ukumulembela ifintu ifyo nalembele kale. Pakuba kuli mwebo chilafwilisha.

Filipi 4:4

Mulokusekelela muli Bashikulu inshita shonse. Nakambi nkobwekeshapo, sekeleleni!

Kolose 1:11

Tulelomba ukuti Lesa amukoshe ndi mufiso fyakwe ifyabuleme, ukuti mulokuba abakushipikisha, abakuteka imitima mufintu fyonse.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

Kolose 4:2

Koseleleni mukulomba, nakambi mube abayiluka mukulomba namukutotela Lesa.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

1 Tesalonika 5:8

Apo tuli bamukasuba, tufwile ukuyipekanya. Tufwale ichichetekelo nechitemweko nge chichingililo pachifuba. Nechisoti chesu chibe ukulolela kwesu ukuti tukapuluke.

2 Tesalonika 1:4

Emulandu wine tulayipakisha muli mwebo mufilonganino fyaku Lesa. Tulachita mfi pamulandu wakushipikisha mukuchetekela kwenu namumachushi aakulu onse mukosanga.

2 Tesalonika 3:5

Bashikulu batungulule imitima yenu ukuti mwishibe ukutemwa nokufuka umutima kuli Klistu.

1 Timoti 6:11

Webo we muntu waku Lesa ulokufitina fyonse mfi. Ulokwesha ukuba nobumi ubwakaele, ubwakuchinshika Lesa, ubwakuchetekela, ubwakutemwa, ubwakushipikisha nobwakuyichefya.

2 Timoti 3:10

Nomba webo walishiba bwino-bwino ukusambisha kwanji, imyendele yanji, amapange yanji, ichichetekelo chanji, ukufuka umutima kwanji, ukutemwa kwanji, ukushipikisha kwanji,

Taitasi 2:13

Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Taitasi 3:7

Lesa alichitile mfi ukwebati mubwanshi bwakwe, utulungamike pamenso yakwe. Elo twakupokelela ubumi butapwa ubo tulindilila.

Hebele 10:32

Ibukisheni inshiku shakale nshilya ulo mwasanikilwe na Lesa. Mwalichushiwe inshita ishinji. Nangu chali mfi mwayimakene ndii.

Hebele 10:36

Mulingile ukushipa mukuchita ifikofwaya Lesa ukuti mukapokelele ifyo alayile.

Hebele 12:1

Nomba pakuti kuli bakamboni abenji abatushingulukile, katupose konse akalema nobubi bo ubukotukakatila. Elo katutwalilile nefiso ulwendo twatatika akale.

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

Hebele 5:7

Ulo Yesu ali umuntu panonshi alikulomba nokupapata neshiwi ilikulu kuli Lesa neminsoshi uyo uwali nefiso ifyakumupulusha kumfwa. Pamulandu wakuti Yesu aliyichefeshe nokuyipela, Lesa alimumfwile.

Hebele 6:12

Tatukofwayapo ukuti mube abanang’ani iyowo, kuntu mube kubati nimbalya abakupokelela ifyo Lesa alayile ukupitila mukuchetekela nokuteka imitima yabo.

Hebele 6:15

Elo Abulahamu alilindile mukutekanya. Echo alipokelele ifyo Lesa amulayile.

Yemusi 5:7

Mwe bawesu, tekenipo imitima ukufika pakasuba ulo Bashikulu bakabwela. Boneni ifyo umulimi achita! Alalindila ukuti imbuto shiboneke mulibala lyakwe. Alateka umutima ukufikila apo yamashula-nyense neyankunta-nsoke yaloka.

1 Petulo 4:13

Mulokusangalala pantu mukochulako kubati ni Klistu ukwebati nga umuchinshi waboneka mukasangalale ukwinekantu.

1 Petulo 4:7

Nomba kumupwilo wafintu fyonse kwapalama. Echo mube abachenjela nokwikanya pakuti mulokulomba bwino.

2 Petulo 1:6

Elo mulundeko ukuyisunga kumulangwe ngu, ukukosapo pakwisunga kwenu, nokulomba Lesa mukushipikisha kwenu kwenka.

Ukufisulula 13:10

Onse uulingile ukupintwa mubwankole, nachine mubwankole bakumupinta. Na onse uulingile ukwipayiwa kumwele, nachine kumwele bakumwipaya. Echo abantu bakwe balingile ukushipikisha nokwikalilila muchichetekelo.”