Loma 11:25 - Chipangano Chabwangu

²⁵ Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 11:25 ပူးပေါင်းရင်းမြစ်များ

Mateyo 13:11

Elo naye abasukile ati, “Kuli mwebo kwalipelwa ukwishiba ifyamubumfisolo ifyabufumu bwakumulu, nomba bo tabapelwapo iyowo.

Luka 21:24

Bambi bakwisa kwipayiwa nemyele yankondo, bambi bakwisa kupintwa ubusha mufyalo fyonse. Abenafyalo bakunyantaula Yelusalemu ukufikila apo inshita yabo yakukumanina.

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Loma 1:13

Echo bawesu, nkofwaya mwishibe ukuti inshita ishinji nalikufwaya ukwisa ukumutandalila, kuntu ifintu fimbi filankanya ukuchita nchi. Nkofwaya ukwalula bamo abamuli mwebo kubati nimfilya nachitile kubenafyalo bambi.

Loma 11:12

Ukubifya kwabena Isilaeli kwaletele ishuko kubantu bonse abapanonshi. Ukufilwa kwabo kwaletela ishuko kubenafyalo bonse. Echo kwakuba ishuko ilikulu apo impendwa yabena Isilaeli abasalwa yakukumanina!

Loma 11:24

Mwebo mwe benafyalo muli kubati musambo wachiti chamumpanga icho Lesa aputwile nokukambatika pachiti chamaolife ichabyalwa. Nomba chalyanguka kuli Lesa ukuti akambike imisambo iyakontweke pachiti chachiko.

Loma 12:16

Mulokumfwana lonse. Mwiitutumunapo, kuntu mutemwane nabantu bwaka. Mwilokuyilangulukapo ukuba abamulangwe.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

Loma 9:18

Epo nomba, Lesa alakwatila ichisa pali uyo afwaya, nakambi alakosha imitima yabantu abo afwaya ukuti babe mfilya.”

1 Kolinto 10:1

Bawesu, nkofwaya ukumwishibishako ifyachitikile kufikolwe fyesu ifyakale mfilya. Bonse balikutanjililwa nekumbi elo bonse bayabukile Bemba Uuswetele.

1 Kolinto 12:1

Nomba mwe bawesu, nshikofwayapo ukuti mulokuluba pamulandu wafya bupe bwa Mupashi Wabuta.

1 Kolinto 2:7

Umulangwe uwo tusosa waku Lesa, uwamubumfishi, uwafisama ukufuma kubantu. Lesa talatala ichalo, apekenye kabela ukuti atupele ubuleme.

1 Kolinto 4:1

Mwebo mulingile ukutubona nga bapyungi baku Klistu abasontwa ukwangalila ifyafisama fyaku Lesa.

Efeso 1:9

Lesa alitufisulwila ubufwayo bwakwe afishile ubo apingile ukuchita muli Klistu.

Efeso 3:9

Alimpele umulimo wakulondolwela abantu bonse umo Lesa akuchitila fyonse ifyo apekenye mubumfisolo bwakwe. Lesa uwabumbile fyonse, asungile ubumfisolo mbu inshita tayilatatika.

Efeso 4:18

Elo amano abo ali mumfinshi pamulandu imitwi yabo ilikosele ndi mukuteshiba Lesa. Bafutatila ubumi ubo Lesa apela.

2 Petulo 3:8

Mwe batemwekwa, pali chintu chimo icho tamulingile ukulabukilapo chakuti kuli Lesa akasuba kamo kali kubati myaka ikana limo, elo nemyaka ikana limo ili kubati kasuba kamo.

Ukufisulula 1:20

Ichabumfinshi ichantandala shisano na shibili isho ubwene mukuboko kwanji ukwamulyo, nefyakutekapo inyali shisano na shibili ishagolide, ifyo fipilibula nimfi: Intandala shisano na shibili, bafilolo bafilonganino. Elo ifyakutekapo inyali, filonganino fisano na fibili.

Ukufisulula 10:7

Ulo umungelo walenga basano na babili akulisha indibu yakwe, ifyamubumfishi ifyo Lesa apekenye kale fyakuchitika, kubati nimfilya alayile abapyungi bakwe abasoseshi.”

Ukufisulula 11:15

Panuma yaku mfi, umungelo walenga basano na babili alilishishe indibu yakwe. Elo kwalyumfwikile ichongo chamashiwi kumulu ati, “Nomba ubuleme ubwakutungulula bwaba ubwaku Bashikulu wesu no Wasubwa wakwe. Elo akutungulula umuyayaya!”

Ukufisulula 7:9

Panuma yaku mfi nabwene ibumba ilikulu ilyabantu ilitangapendwapo. Abantu mba bafumine kumitundu yonse iyabantu, kumishobo yonse, kufyalo fyonse, elo nakumilaka yonse. Bayimakene pantanshi yamupando wabufumu napa Mwana wambelele. Balikwete notunchindu mumaboko yabo.