Loma 11:20 - Chipangano Chabwangu

²⁰ Ina, chakwebesha. Balikontweke pakuti tabachetekelepo. Nomba mwebo mulikele kuchiti pantu mukochetekela. Echo mwiyitutumuna, kuntu muchenjele.

Loma 11:20 ပူးပေါင်းရင်းမြစ်များ

Luka 18:14

Yesu asosele ati, ‘Nachine nkomweba ati, ngu uwamusonko abwelele kunanda yakwe uwanakililwa ukuchila umunakwe! Pakuti onse uukoyikusha akuchefekwa, kuntu uyo uwichefya akusumbukwa.’”

Imilimo ya batumwa 18:6

Ulo balikutalikana nokusosa ifibi pali ye, Paulo alangile ukutomfwana nabo ukupitila mukubakuntila ulukungu ukufuma kufyakufwala fyakwe nokuti, “Ala, mwayipaya mwebo mwenka! Nebo nshikwetepo umulandu iyowo. Ukutula nomba nakushimikila abenafyalo.”

Loma 11:18

Echo tamulingilepo ukusula abo abakontweke kubati musambo ngulya. Nga nipesa apo mwingayitutumwinapo? Mwebo mwaba bwaka imisambo! Temwebo mwikatilila imishu iyowo, kuntu imishu eyikatilila mwebo.

Loma 11:21

Lesa tabalekele Abaisilaeli, abo abali kubati misambo inenene. Napo mwebo mukolanguluka ukuti angamuleka bwaka?

Loma 12:16

Mulokumfwana lonse. Mwiitutumunapo, kuntu mutemwane nabantu bwaka. Mwilokuyilangulukapo ukuba abamulangwe.

Loma 12:3

Ukupitila mufiso ifyo Lesa ampela mubwanshi bwakwe, nkomukonkobesha ukuti mwilokuyitutumuna. Nachine mube nomutembo mumalangulushi enu ukulingana nobukulu bwachichetekelo chenu icho Lesa apela umo-umo pali mwe.

Loma 3:3

Nga chakuti bambi muli bo tabachetekelwa? Napo nchi chikoyalula ukwebati Lesa naye aba uutachetekelwa?

1 Kolinto 10:12

Nomba onse uwilangulukila ukuti alimakana ndi achenjele pakuti ewapo.

1 Kolinto 15:1

Mwe bawesu, nkofwaya ukumwibukishapo Ubutumi Bwawama ubo namushimikileko. Mwali bupokelele nokwimakaninapo ndi muchichetekelo chenu.

1 Kolinto 16:13

Mulokuba abayibukila, abakosa muchichetekelo. Koseni elo mube abafiso.

2 Kolinto 1:24

Tekwebati tukofwaya ukumupatikisha ifyo mulingile ukuchetekela. Ukusosa pachichetekelo chenu, muli abakosa ndi. Ulo tufwaya ukwafwilishanya namwe kwebati mube abasekelela.

2 Kolinto 10:5

Tulonaula ifitala fyonse ifilenga abantu ukuteshiba Lesa. Tulachimfya amalangulushi onse ukuti anakile Klistu.

Filipi 2:12

Nomba mwe batemwekwa banji, kubati nimfilya mwali abanakila ulo nali namwe, nomba beni abachumfwila ukuchilapo apo tanshili namwebo. Echo bombeni mukufikilisha chipulusho chenu mukutina namukututuma.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

2 Tesalonika 2:4

Engulya uukotalikana na Lesa nokuyibika pamulu pali fyonse fikoyitwa ati balesa nangula ifyo balomba. Akwibika namunanda yaku Lesa. Elo akuyita ati ni Lesa mwine.

1 Timoti 6:17

Ubebe ababuboni panonshi ukuti tabalingile ukuyitutumuna nangula ukuchetekela pabuboni bwabo ubutekalililapo. Nomba balingile ukuchetekela kuli Lesa uyo uutupela ifintu fyonse ukuti tusekele nafyo.

Hebele 3:12

Mwe bawesu muchenjele ukuti kwibapo nangu umo muli mwe uwamutima uubi uutachetekelapo uyo uwingamutalushako kuli Lesa wabumi.

Hebele 3:19

Echo twabona ukuti tabayinjilemo pakuti tabalikuchetekelapo iyowo.

Hebele 4:11

Tweshe nomba ukupokelela ukutusha nku, ukutina ukuti nalimo umo kuti afilwa ukwinjila mukutusha nku pamulandu wakutachetekela.

Hebele 4:6

Lesa alifwayile ukuti bambi benjile mukutusha nku epela. Nomba bo abatatikile ukumfwa Ubutumi Bwawama mbu tabayinjilemo pakuti tabachetekelepo.

Yemusi 2:19

Mwebo muchetekela ukwebati Lesa umo bwaka. Chiweme! Nayo imipashi iibi ilachetekela nokututuma kumwenso.

Yemusi 4:6

Nomba alatukwatila ubwanshi ukwinekantu. Echo Amalembo asosa ati, “Lesa alatalika abayikusha, kuntu alakwatila ubwanshi abafuuka.”

1 Petulo 1:17

Lesa takwatapo akapatulula. Alapingula chila muntu ukulingana nefyo achitile. Kati mukomwita ati Bata, mupeleni umuchinshi inshita shonse muli abeni panonshi.

1 Petulo 5:12

Nalemba kalata nji iipi mukwafwilishiwa na Siluvanasi, wesu uwachetekelwa. Nkofwaya ukumukoselesha nokupela bukamboni ukwebati mbu ebwanshi bwaku Lesa. Mwimakane ndi mubwanshi mbu.

1 Petulo 5:9

Mulwishanye nakwe nokwimakana ndi muchichetekelo, pakuba mwibukishe ukuti abena Klistu banenu panonshi bakoumfwa ukufinya kwenka nku.

Ukufisulula 18:7

Mumuchushe nokumumfwisha insoni ukwinekantu, kubati nimulya alitondayishe nokwisekesha. Pakuti mumutima wakwe alayisosha ati, ‘Epondi nebo namfumu. Tenepo mukamfwilwa, elo takupo akasuba nakwikala nkumba-bulili iyowo.’

Ukufisulula 3:17

Webo ulasosa ukuti uli nobuboni ubwinji, taukabilapo nakantu iyowo, kuntu tawayishiba ukuti uli umuchushi, uwabwamba nakambi uli mpofu.