Loma 11:14 - Chipangano Chabwangu

¹⁴ Nalimo kuti nalenga abamutundu wanji ukuba nobufuba, elo bamo muli bo bakuchetekela Klistu nokupulushiwa.

Loma 11:14 ပူးပေါင်းရင်းမြစ်များ

Loma 10:19

Nakambi nakufumba, napo Abaisilaeli tabayishibilepo? Mosesi ewakwasuka nku kufumba ati, “Nakubomfya abantu bwaka, ukulenga abantu banji ukuba ababufuba. Nakubomfya abantu abapuneme, ukwebati ukalifye abantu banji.”

Loma 11:11

Nomba nkofumba ati, napo Abaisilaeli bawile nokonayika? Iyowo, nangu panini! Pakuti balibifishe, abenafyalo balipulukile ukuti Abaisilaeli babe nobufuba.

Loma 9:3

Ukuba nga chali ichiweme ichakuti nebo bandapisha bwaka kuli Lesa ukuti nimba uwaku Klistu muchifulo ichabamukowa wanji.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

1 Kolinto 10:33

Mulokuchita kubati ifyo nebo nchita. Ndesha ukusekelesha abantu bonse muli fyonse. Nshikofwayapo ukuyiwamisha nenka, kuntu ifiwamisha abantu bonse ukuti bapuluke.

1 Kolinto 7:16

Napo we mwanakashi wachetekela, kuti wayishiba shani ukuti wakwisa kupulusha umulume obe? Na we umwalalume uwachetekela, kuti wayishiba shani ukuti wakwisa kupulusha umukashi obe?

1 Timoti 1:15

Amashiwi aachine aalingile ukuchetekela ninga aakososa ati: Klistu Yesu ayishile panonshi ukupulusha imbifi. Echo nebo nalichilapo pali shonse.

1 Timoti 2:4

ngu uufwaya ukuti abantu bonse bapuluke nokwishiba ifyachine.

1 Timoti 4:16

Ulokwilama bwino wenka nokusambisha uko ukwete. Utwalilile ukupyunga, winakapo, pantu nga wachita mfi, emo wakupulukilamo pamo nabo abakoumfwa kuli webo.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

Taitasi 3:5

alitulubwile. Tepamulandu iyamilimo iiweme iyo twachitile iyowo, kuntu nimunkumbu shakwe. Alitulubula pakutusamba ukutupela ukufyalwa kwabwangu nobumi bwabwangu ukupitila mu Mupashi Wabuta.

Filimoni 1:12

Nomba namubwesesha kuli webo. Nachine mukuchita mfi, chili kubati nakupela nomutima wanji onse.

Hebele 1:14

Napo abangelo, temipashi iikomupyungila bwaka, iyo Lesa atuma ukwafwilisha bo abakupuluka.

Hebele 2:3

Nomba fwe twakupuluka shani nga tukosuula amashiwi aakulu mfi ayakutupulusha? Bashikulu abene ebatatikile ukusosa pafya kupuluka nku. Elo bo abaumfwileko amashiwi nga, balishininkisha ukuti yachine.

Yemusi 5:20

Mwishibe nchi: onse ubwesha umuntu uwaluba munshila yakwe iibi akupulusha ubumi bwamuntu ngulya kumfwa, elo nefibi fyakwe ifinji fyakunakililwa.