Loma 10:4 - Chipangano Chabwangu

⁴ Pakuti Klistu ekupelako kwamafunde ukwebati onse uwachetekela Lesa apokelelwe nga uwalungama.

Loma 10:4 ပူးပေါင်းရင်းမြစ်များ

Mateyo 3:15

Nomba Yesu alimwasukile ati, “Leka chibele mwenkomo pali njino nshita, pakuti tufikilishe fyonse ifyo Lesa afwaya.” Elo Yohane asumine.

Yohane 1:17

Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

Loma 3:22

Abantu balalungamikwa na Lesa mukuchetekela Yesu Klistu. Lesa alachita mfi kuli bonse abachetekela muli Klistu. Takupo akapatulula iyowo.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

Galatiya 3:24

Amafunde ali kubati nintungulushi ukufikila ulo Klistu afikile ukuti tupokelelwe nga abalungama pamenso aku Lesa ukupitila mukuchetekela.

Galatiya 4:5

Alichitile mfi ukwebati apulushe bo abali abasha bamafunde, ukuti twingaba abana baku Lesa.

Kolose 2:10

Elo muli Ye namwebo mwalipelwa ubumi ubwiwile sululu. Elo Klistu Ye ewachila pamafumu napabuteko bonse.

Kolose 2:17

Mfi fyonse chimfule bwaka ichafintu finenene ifikoyisa, kuntu ifinenene mfi ni Klistu wine.

Hebele 10:14

Nechipupo chimo bwaka alengele abakaele umuyayaya bonse abo awamishe kufibi.