Loma 10:3 - Chipangano Chabwangu

³ Pakuti tabayishibapo inshila iyo Lesa alungamikilamo abantu. Balyesha ukuyisangila inshila yabo. Tabanakilapo inshila iyo Lesa alungamikilamo abantu iyowo.

Loma 10:3 ပူးပေါင်းရင်းမြစ်များ

Luka 10:29

Nomba umusambishi wa Mafunde ngulya alikufwaya ukuyilungamika, elo afumba Yesu ati, “Nga mwinamupalamano wanji ninani?”

Luka 16:15

Elo Yesu asosele kuli bo ati, “Mwebo mukoyilinga abaweme kubantu bambi, kuntu Lesa alishiba imitima yenu. Ifyo umuntu alinga ukuba ifyachine, pachinso chaku Lesa fyabwaka.

Loma 1:17

Pakuti Ubutumi mbu ebufisulula emo Lesa alungamikila abantu bonse. Inshila achitilamo mfi, ukutatika pakwamba ukufika nakumpelo, yachichetekelo. Kubati nimfilya Amalembo asosa ati, “Umuntu alungamikwa pamulandu wakuchetekela, elo alaba nobumi.”

Loma 10:2

Nalishininkisha ukuti bayipela kuli Lesa, kuntu mukuyipela kwabo tamwabamo amano enenene.

Loma 10:20

Esaya akoebesha ulo akososa ati, “Nebo nalisangilwe nabantu, abo abatali kumfwayapo. Nalibwenekele kubantu, abo abatali kunkonsha uko ndi.”

Loma 11:7

Mba findo? Abena Isilaeli balifililwe ukusanga icho balikufwaya. Bambi pali bo bayishileba bankoma-matwi.

Loma 3:22

Abantu balalungamikwa na Lesa mukuchetekela Yesu Klistu. Lesa alachita mfi kuli bonse abachetekela muli Klistu. Takupo akapatulula iyowo.

Loma 3:26

Nomba achitile mfi ukubonesha ifyo ali, nabantu ukuti beshibe ati mulungami. Elo ni Ye uulungamika nambalya abachetekela muli Yesu.

Loma 5:19

Elo kubati nimfilya umuntu umo taumfwile nokuleta ububi pabantu bonse, emo nokufwa kwamuntu umo kwalenga ukuti abantu bonse bapokelelwe nga abalungama.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.