Loma 10:17 - Chipangano Chabwangu

¹⁷ Epo ichichetekelo chifuma mukumfwa Ubutumi Bwawama, nobutumi mbu bwisa mukubilisha ifyaku Klistu.

Loma 10:17 ပူးပေါင်းရင်းမြစ်များ

Maliko 4:24

Yesu abebele nakambi ati, “Mulokuposako amano kufintu mukoumfwa! Umulingo uwo mukolingilako bambi, ewo namwe Lesa akumulingilako.

Luka 11:28

Nomba Yesu alimwasukile ati, “Ina, ukuchilapo abashuka nimbalya abakoumfwa amashiwi aku Lesa nokuasunga!”

Luka 8:11

“Ichelusho chikoyalula mfi: Imbuto eshiwi lyaku Lesa.

Luka 8:21

Elo Yesu abasukile ati, “Bama nabawesu nimbalya abakoumfwa amashiwi aku Lesa nokuyasunga.”

Yohane 1:37

Ulo abakusambila babili baumfwile mfilya, bakonkele Yesu.

Loma 1:16

Nebo nshakwatapo nsoni pa Butumi Bwawama, pakuba efiso fyaku Lesa mukupulusha abantu bonse abachetekela, ukutatikila ku Bayuda elo nakubenafyalo.

Loma 10:14

Nomba kuti bayita shani Lesa ukuti abafwe nga tabamuchetekelapo? Elo kuti bamuchetekela shani nga tabalaumfwa ifyakwe? Nakambi kuti baumfwa shani nga takuli uwakubilisha Ubutumi kuli bo?

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

Galatiya 3:2

Njebeniko, napo mwalipokelele Umupashi Wabuta mukulama Amafunde nangu mukumfwa nokuchetekela Ubutumi Bwawama?

Galatiya 3:5

Napo Lesa uwamupele Umupashi Wabuta nokuchita ifyafiso ifikulu muli mwebo, achitile mfi pamulandu wakulama Amafunde nangu mukumfwa Ubutumi Bwawama nokubuchetekela?

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

1 Tesalonika 2:13

Icho tutotelapo Lesa lonse nimukuti ulo mwaumfwile Amashiwi aku Lesa awo twamushimikile, mwaliyapokelela tekubati mashiwi amuntu iyowo, kuntu kubati nimfilya aaba, mashiwi aku Lesa. Amashiwi nga eyakopyunga umulimo muli mwebo abachetekela.

Hebele 4:2

Tempa nafwebo twalyumfwile Ubutumi Ubwawama ukubati nibo. Nomba tabayikatenepo namashiwi ngalya ayali kubilishiwa iyowo. Bali kuyomfwa bwaka, kuntu tabachetekelepo.

1 Petulo 1:23

Pakuba mwebo mwalifyalwa libili, tekumbutopo ishonayika, kuntu kuyitonayika iyaba Mashiwi aku Lesa aabumi aabelelele.

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.