Loma 10:16 - Chipangano Chabwangu

¹⁶ Nomba te bonse abapokelele Ubutumi mbu. Kubati nimfilya asosele umusoseshi Esaya ati, “Bashikulu, mba ninani uwachetekele ifyo tukobilisha?”

Loma 10:16 ပူးပေါင်းရင်းမြစ်များ

Mateyo 13:14

Kuli mba fikofikilishiwa ifyo umusoseshi Esaya asosele ati, ‘Ukumfwa mwakumfwa, nomba tamwakelukepo. Ukubona mwakubona, nomba tamwakabweneshepo.

Yohane 10:26

Nangu chibe mfi tamukochetekelapo pantu tamuli bamwichinka lyambelele shanji.

Imilimo ya batumwa 28:24

Bambi balichetekele ifyo Paulo alikusosa, kuntu bambi balikaninine ndi ukuchetekela.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Loma 11:17

Imisambo imbi yachiti chamaolife yakontokele, elo Lesa alikambatikilepo iyamumpanga muchifulo yachiko. Mwe benafyalo muli kubati misambo iyamumpanga njilya, kuntu nomba mukopokelela ifiso ififuma muchiti chamaolife ichabyalwa, ekwebati ukufuma kubena Isilaeli.

Loma 16:26

Nomba ichine nchi chalifisululwa ukupitila kufyo abasoseshi balembele. Elo ukupitila nefyo akonkobeshe Lesa uwamuyayaya nokufyumfwila.

Loma 2:8

Nomba bonse abafitala, abatomfwilapo nokuchita ifitalungama, Lesa akubapela umulandu mubukali bwakwe.

Loma 3:3

Nga chakuti bambi muli bo tabachetekelwa? Napo nchi chikoyalula ukwebati Lesa naye aba uutachetekelwa?

Loma 6:17

Akale mwali abasha babubi, kuntu tutondayishe Bashikulu ukuti nomba mulokumfwila nomutima onse ifyachine ifyakupulusha ifyo mwapokelele.

Galatiya 3:1

Mwe abena Galatiya bapuneme! Mba nibani abamulowele? Ulo twamusambishe ifyaku Yesu Klistu, twalondolwele bwino-bwino ifyo bamusamikile pamutashi.

Galatiya 5:7

Mwalikubutuka bwino ulubilo mukuchimfyanya kwenu. Mba wamuleseshe ninani ukwebati mwilokumfwa ichine?

2 Tesalonika 1:8

Akwisa nolubembela lwamulilo mukulanga bonse bankoma-matwi abakana Lesa nokusuula Ubutumi Bwawama ubusosa ifyaku Bashikulu Yesu.

Hebele 11:8

Muchichetekelo Abulahamu alyumfwile ulo Lesa amwitile ukuti aye kuchalo chimbi icho amulayile ukuti akumupela. Alifuminemo kuchalo chakwe nangu tayishibilepo uko alikuya.

Hebele 4:2

Tempa nafwebo twalyumfwile Ubutumi Ubwawama ukubati nibo. Nomba tabayikatenepo namashiwi ngalya ayali kubilishiwa iyowo. Bali kuyomfwa bwaka, kuntu tabachetekelepo.

Hebele 5:9

Ulo ashilile umulimo wakwe alibele chibinda wachipulusho ichitapwapo kuli bo bonse abamumfwila.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

1 Petulo 2:8

Amalembo asosa nakambi ati, “Elyayishile kuba libwe lyakuyitutulako, ilyakuwisha abantu.” Balayitutulako pantu tabomfwila Amashiwi aku Lesa nga mfilya Lesa umwine apingwile kabela.

1 Petulo 3:1

Namwe mwe banakashi, nakilileni abalume benu, ukwebati nga kuli bamo abatomfwa Amashiwi aku Lesa, muleke imyendele yenu ibaalulule. Tapalingilepo ukusosa amashiwi,