Loma 10:15 - Chipangano Chabwangu

¹⁵ Elo kuti babilisha shani nga tabatuminwepo? Ukubati nimfilya Amalembo asosa ati, “Ukuwama amakasa aambo abaleta Ubutumi Bwawama!”

Loma 10:15 ပူးပေါင်းရင်းမြစ်များ

Mateyo 9:38

Echo lombeni kumwine wababulobololo ukuti atume abakulobolola.”

Luka 10:1

Panuma yaku nchi, Bashikulu basalile abalalume bambi amakumi asano na abili nabantupo babili, nokuti batanjile babili-babili kumisumba nakufifulo fyonse umo umwine ali nokuya.

Luka 2:10

Umungelo asosele kuli bo ati, “Mwitina! Pakuti namuletela mwebo ilyashi iliweme, ilyakusekelela ukukulu ukukoyisa kuba kubantu bonse.

Luka 2:14

“Umuchinshi ube kuli Lesa mumulu mwine, epo nomutende panonshi mubantu abo atemwa!”

Luka 8:1

Ulo papitile inshita, Yesu alikwenda mumishi iikulu namumishi iinini, mukubilisha Ubutumi Bwawama ubwa Bufumu bwaku Lesa. Abakusambila ikumi na babili bayile nakwe.

Yohane 20:21

Yesu asosele nabo nakambi ati, “Mutende ube namwebo. Ukubati nimfilya Bata bantumine, nandibo nkomutuma mwebo.”

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Imilimo ya batumwa 13:26

“Mwe bawesu, mwe balupwa lwakwa Abulahamu namwe bonse abalomba kuli Lesa, nikuli fwe ndi shiwi lyakupulushiwa lyatuminwe!

Imilimo ya batumwa 22:21

Elo Bashikulu banjebele ati, ‘Koya bwaka, pakuba nkokutuma ukutali kubenafyalo.’”

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

Loma 1:15

Echo nkofwayisha ukwinekantu ukubilisha Ubutumi Bwawama nakuli mwebo mwe bena Loma.

Loma 15:20

Inshita shonse nkofwaya ukushimika Ubutumi Bwawama kuli bo abataumfwilepo ifyaku Klistu ukuti niimaka pamufula wamuntu umbi.

Efeso 2:17

Klistu alishile nokubilisha Ubutumi Bwawama ubwamutende kuli mwebo abenafyalo, mwe abali ukutali na Lesa, naku Bayuda abali apepi nakwe.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Efeso 6:15

Ukufwayilisha kwenu ukubilisha Ubutumi Bwawama kube kubati ninkwanda kumakasa enu.

1 Petulo 1:12

Lesa alibafisulwile ukuti tabali ukuyipyungila benka, kuntu pamulandu wenu ulo balikusosa ifyo mumfwa nomba. Bakashimika ba Butumi Bwawama balimwebele mfi ukupitila mu Mupashi Wabuta uwatuminwe ukufuma kumulu. Abangelo nabo balefwayilisha ukwishiba ifintu mfi.