Loma 10:14 - Chipangano Chabwangu

¹⁴ Nomba kuti bayita shani Lesa ukuti abafwe nga tabamuchetekelapo? Elo kuti bamuchetekela shani nga tabalaumfwa ifyakwe? Nakambi kuti baumfwa shani nga takuli uwakubilisha Ubutumi kuli bo?

Loma 10:14 ပူးပေါင်းရင်းမြစ်များ

Mateyo 20:7

Nabo balyasukile bati, ‘Pantu takupo uwakutwinjisha imilimo.’ Naye abebele ati, ‘Kamuya namwe mwibala lyanji mukubomba.’

Yohane 20:31

Nomba mfi fyalembwa ukwebati muchetekele ukuti Yesu e Wasubwa, Umwana waku Lesa, nokuti nga mwamuchetekela mube nobumi butapwapo.

Yohane 9:36

Ye alimwasukile ati, “Njebeniko, ninani Umwana wa Muntu ukuti muchetekele?”

Imilimo ya batumwa 19:2

Abafumbile ati, “Napo mwalipokela Umupashi Wabuta ulo mwachetekele?” Nabo balimwasukile ati, “Iyowo, fwebo tatwaumfwapo nokuti kwaba Umupashi Wabuta.”

Imilimo ya batumwa 8:31

Naye ayasukile ati, “Nga kuti naumfwa shani neutakwetepo uwakumpikulwilako?” Elo aebele Filipo ukuti akwele nokwikala nakwe mwicheleta.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Efeso 2:17

Klistu alishile nokubilisha Ubutumi Bwawama ubwamutende kuli mwebo abenafyalo, mwe abali ukutali na Lesa, naku Bayuda abali apepi nakwe.

Efeso 4:21

Nachine mwalyumfwile ifyakwe. Elo mwalisambilile nefyachine ifyamuli Klistu.

2 Timoti 4:17

Nomba Bashikulu balikele pamo nandibo, nokumpela ifiso ukuti mbilishe amashiwi yabo ukufikapo ukwebati abenafyalo bomfwe. Ekwebati nalipuluka mukanwa kankalamo.

Taitasi 1:3

Elo panshita iilingile, afisulwile nchi mumashiwi akwe. Nomba nkosambisha amashiwi nga ukubati nimfilya Lesa Umupulushi wesu andayile.

Hebele 11:6

Tapapo uwingasekesha Lesa ukwambula ichichetekelo. Pakuti uuli onse ufwaya ukupalamina kuli Lesa, alingile ukusumina ukuti Lesa epo aba, nakambi nokuti alapela ifyabupe kuli bo abamufwaya-fwaya.

Yemusi 5:15

Nga balomba nechichetekelo, umulwele akupola. Bashikulu bakumwimya. Nga achitile ifibi, fyonse fyakunakililwa.