Loma 10:12 - Chipangano Chabwangu

¹² Pakuti tapali ukupusana pa Bayuda nabenafyalo. Shikulu wabo bonse umo bwaka. Alashukisha abo bonse abamupapata.

Loma 10:12 ပူးပေါင်းရင်းမြစ်များ

Imilimo ya batumwa 7:59

Ulo balikumutobaula amabwe, Sitefano alikwaula bwaka nokwita Bashikulu ati, “Bashikulu Yesu, pokeleleni umupashi wanji!”

Imilimo ya batumwa 9:14

Elo ayisa namuno Damasikasi nobuleme ubo afumya kuntungulushi shabachipupila ukuti akake bonse abalombela mwishina lyenu.”

Loma 14:9

Pakuti Klistu alifwile nokubuka ukufuma kubafwa ukuti abe Shikulu wabonse ababumi nabafwa.

Loma 15:12

Naye Esaya akoti, “Umo uwamukowa wakwa Yese, akwisa kutungulula abenafyalo. Elo bakumuchetekela.”

Loma 2:4

Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

Loma 3:22

Abantu balalungamikwa na Lesa mukuchetekela Yesu Klistu. Lesa alachita mfi kuli bonse abachetekela muli Klistu. Takupo akapatulula iyowo.

1 Kolinto 1:2

Tukolembela ichilonganino chaku Lesa ichili ku Kolinto. Lesa alimupatula muli Klistu Yesu nokumwita abantu bakwe, pamo nabo abeta peshina lyaku Bashikulu, konse uko bali. Ye e Shikulu wabo nakambi wesu.

1 Kolinto 15:47

Umuntu wakwamba ngulya afumine kwiloba. Umuntu wachibili afumine kumulu.

2 Kolinto 8:9

Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Efeso 2:4

Nomba Lesa wankumbu ukwinekantu nakambi alitutemwa ukuchilapo.

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

Efeso 3:16

Nkolomba Lesa ukuti mubuleme bwakwe ubukulu, mu Mupashi wakwe Wabuta akoshe ubumi bwenu ubwabwangu.

Efeso 3:6

Ubumfisolo mbu bwakuti mu Butumi Bwawama abenafyalo nabo bapoke ishuka lyaku Lesa pamo na Bayuda. Pamo na Bayuda filewa ifyamubili umo, elo muli Klistu Yesu balapokelela pamo nabo ubulayo bwaku Lesa.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Filipi 2:11

Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

Filipi 4:19

Lesa wanji ali nobuboni ubwinji. Elo muli Klistu Yesu akumupela fyonse ifyo mukabila.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 3:11

Mubumi mbu tapapo ubupusano pakati ka Bayuda nabenafyalo, uwashilimunwa nangu uutashilimunwapo, abatasambilila, bankalwe, abasha nangu ababwanalale, kuntu ichikulu ni Klistu uwaba muli bonse.

1 Timoti 2:5

Pakuti kuli Lesa umo enka, nakambi kuli umo uwimakanina pakati ka Lesa nabantu. Umuntu ngu ni Klistu Yesu.

Ukufisulula 17:14

Mba bakulwa no Mwana wambelele, kuntu Ye pamo nabantu bakwe abayitwa, abasalwa nakambi abachetekela bakuchimfya pakuti Ye ni Mfumu ishamfumu nakambi ni Ntungulushi ishantungulushi.”

Ukufisulula 19:16

Pamwinjila wakwe napachibelo chakwe palilembelwepo ishiwi ilikoti, “Imfumu iyashamfumu, Bashikulu wabashikulu bonse.”