Loma 10:10 - Chipangano Chabwangu

¹⁰ Pakuti nikuchichetekelo eko tulungamikilwamo na Lesa. Elo nimukuyisosela eko tupulushiwa.

Loma 10:10 ပူးပေါင်းရင်းမြစ်များ

Maliko 9:23

Yesu asosele ati, “Chikoyalula ndo icho mukososa ati, kati ukosumina? Ifintu fyonse filachitika kumuntu uwaba nechichetekelo!”

Luka 8:15

Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Imilimo ya batumwa 8:37

Filipo ayasukile ati, “Kati mwachetekela nomutima wenu onse mwakubatishiwa.” Umuntu ngulya asosele ati, “Ina, nachetekela ukuti Yesu Klistu e Mwana waku Lesa.”]

Loma 10:11

Amalembo asosa ati, “Uyo onse uukochetekela muli Ye takomfwepo insoni.”

Loma 10:9

Nga waebelela nakanwa kobe ati Yesu Eshikulu obe, elo nokuchetekela nomutima obe onse ukuti Lesa alimubusha kubafwa, ukapuluka.

Galatiya 2:16

Twalishiba ukuti umuntu talungamikwa ukupitila mukulama Amafunde, sembi mukuchetekela muli Yesu Klistu. Nafwebo twachetekele Yesu Klistu ukuti tube abalungamikwa kuli Lesa, temukulamapo Amafunde iyowo. Pakuti Lesa tasosa ukuti umuntu uulama Amafunde ewo alungamika iyowo, pantu tapapo uulungamikwa pamulandu wakulama Amafunde.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

Hebele 10:22

Echo katupalamine kuli Lesa nemitima iyachine nechichetekelo ichinenene. Imitima Yesu iwamishiwe ukwambula akalema nemibili Yesu isambwe namenshi ayabuta.

Hebele 3:12

Mwe bawesu muchenjele ukuti kwibapo nangu umo muli mwe uwamutima uubi uutachetekelapo uyo uwingamutalushako kuli Lesa wabumi.

1 Yohane 4:15

Umuntu onse uusumina ukuti Yesu Mwana waku Lesa, ekuti aba muli Lesa, elo na Lesa aba muli ye.

Ukufisulula 2:13

Ye akoti, Nalishiba uko wayikala. Wayikala nkulya ukwaba ichipuna chakwa Satana. Webo waliba uwachetekela kuli nebo, nakambi tawaposapo ichichetekelo icho ukwete muli nebo nangu mpanshita yakwa Antipasi, kamboni wanji uwachishinka. Ngu bamwipayile nkulya ukwikala Satana.