Loma 1:9 - Chipangano Chabwangu

⁹ Lesa uwo nebo mpyungila mukubilisha Ubutumi bwakwe Bwawama nomutima wanji onse, ekamboni wanji ukuti nebo ndamwibukisha.

Loma 1:9 ပူးပေါင်းရင်းမြစ်များ

Maliko 1:1

Nku ekwamba kwa Butumi Bwawama ubwaku Yesu Klistu Umwana waku Lesa.

Luka 18:1

Yesu aebele nakambi abakusambila bakwe ichelusho ichakuti bakowamina ukulomba inshita shonse ukwambula ukunaka.

Imilimo ya batumwa 12:5

Ulo Petulo ali muchifungo, abena Klistu bayikelefye ukumulombela kuli Lesa.

Imilimo ya batumwa 19:21

Ulo mfi fyonse fyachitikile, Paulo apingile ukuya ku Yelusalemu, ukupita muchalo cha Masedoniya naku Akeya. Alangulukile ati, “Nga nafuma nku, nakuya ku Loma.”

Imilimo ya batumwa 24:14

Icho nkosumina pamenso yenu ninchi ichakuti ndalomba Lesa wafikolwe fyesu ukupitila mukukonka njo Nshila bakoeba ukuti yabufi. Elo nkosumina fyonse ifyalembwa mu Mafunde akwa Mosesi nefyalembele abasoseshi.

Imilimo ya batumwa 27:23

Pantu bwenka mbuno ubushiku ubupitile umungelo waku Lesa uwo mpyungila, achisa

Imilimo ya batumwa 3:26

Mfi nomba Lesa abushishe Umupyungi wakwe, amutumine kuli mwebo ukuti amushukishe ukupitila mukwalula onse muli mwebo ukufuma kumabifyo akwe.”

Loma 9:1

Nkososa ifyakwebesha muli Klistu, tanshikobepapo iyowo. Nomutima wanji ukotangililwa no Mupashi Wabuta ukonsuminisha nebo ati nshisosapo bufi

2 Kolinto 1:23

Lesa ekamboni wanji pakuti icho nshafikilepo ku Kolinto chali ichakuti nimwansha nsoni.

2 Kolinto 11:31

Lesa, Wishi waku Bashikulu wesu Yesu, uwo tulingile ukutondayisha inshita shonse, alishibile ukwebati nshikobepapo.

Galatiya 1:20

Nkolapa pamenso aku Lesa ukuti ifyo nkomulembela fyachine, nshikobepapo iyowo.

Efeso 6:18

Inshita shonse lombeni mukutungululwa no Mupashi Wabuta ukuti Lesa amwafwilishe. Mulombe nokulomba ukupusene-pusene. Mube abayiluka mukulombela abantu baku Lesa, mwilekapo iyowo.

Filipi 1:3

Ndatotela Lesa wanji lonse ulo mwibukisha.

Filipi 1:4

Lonse ulo mulombelako, ndalomba nokusangalala.

Filipi 2:22

Pakuba mwalishiba ukuti imikalile yakwa Timoti yaba kale apatubile iiweme. Kubati ifyo umwana abomba nabawishi, naye twaliketene pamo mukutanda Ubutumi Bwawama.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

1 Tesalonika 1:2

Tulatotela Lesa lonse pamulandu wenu, nakambi tulamushimbula lonse mukulomba kwesu.

1 Tesalonika 3:10

Nomutima onse tulalomba Lesa ukuti tukabonane namenso nokwisalundako kuli fyonse ififwayikwa kuchichetekelo chenu.

1 Tesalonika 5:17

Mulokulomba inshita shonse.

1 Timoti 2:7

Echo antumine ukuba kabilisha nomutumwa. Nkosambisha abenafyalo ifyachichetekelo nechine. Nachine nkososa ifinenene, tanshikobepapo iyowo.

2 Timoti 1:3

Nkototela Lesa uyo mombela nomutima wabuta kubati nimfilya fyachitile ifikolwe fyanji. Ndatotela ulo nkokulanguluka mumapepo anji akasuba nobushiku.

Filimoni 1:4

Ndatotela Lesa wanji lonse, nokukulangulukilako mukulomba kwanji.