Loma 1:8 - Chipangano Chabwangu

⁸ Ichakubalilapo, nkototela Lesa wanji ukupitila muli Yesu Klistu pamulandu waku mwebo bonse, pakuti ichalo chonse chikoumfwa ifyachichetekelo chenu.

Loma 1:8 ပူးပေါင်းရင်းမြစ်များ

Mateyo 24:14

Elo Ubutumi Bwawama ubwa Bufumu bwakubala bubilwe muchalo chonse pakuti abantu bamitundu yonse bakomfwe, epo nempelo yachalo yakwisa.

Luka 2:1

Muli nshilya nshiku, imbila yafumine kuli Ogasitasi, Kateka Mukulu waku Loma, ukuti abantu bonse abali muchalo chakwe balembwe.

Imilimo ya batumwa 11:28

Umunabo umo uwitwa Agabusi, ayimakene nokusosa ukupitila mufiso fya Mupashi Wabuta ukuti kwakuba insala muchalo chonse. (Nchi chachitikile ulo Kulodiyasi ali ni kateka mukulu waku Loma.)

Imilimo ya batumwa 28:22

Elo tukofwaya ukuyumfwila kufyo ukolanguluka. Pakuba fwebo tulishibile ukuti konse-konse bwaka abantu basosa ifyabipa pebumba ndi webo wabamo.”

Loma 10:18

Nomba nebo nkofumba ati, napo Abaisilaeli tabalaumfwapo Ubutumi Bwawama mbu? Iyowo, balyumfwile. Kubati nimfilya Amalembo asosa ati, “Amashiwi abo, alyumfwika ichalo chonse. Elo amashiwi abo, alifikile mumpelo shachalo chonse.”

Loma 16:19

Abantu bonse balyumfwa ifyo munakila Lesa. Echo nkotemwa pamulandu wenu. Nomba nkofwaya ukuti mube nomulangwe pafintu ifiweme. Mwipumfiwapo nefibi.

Loma 6:17

Akale mwali abasha babubi, kuntu tutondayishe Bashikulu ukuti nomba mulokumfwila nomutima onse ifyachine ifyakupulusha ifyo mwapokelele.

1 Kolinto 1:4

Ndatotela kuli Lesa inshita shonse pamulandu waku mwebo, pakuti alimukwatila bwanshi muli Klistu Yesu.

2 Kolinto 2:14

Tutotele Lesa uututungulula muli Yesu mukuchimfya ishita shonse. Ukupitila muli fwebo, Lesa akopela abantu bonse amano yakwishiba Klistu. Elo amano nga akopalangana mpanga yonse kubati chena ichiweme.

Efeso 1:15

Pali ngu mulandu, ulo naumfwile ifyakuchetekela kwenu muli Bashikulu Yesu nokutemwa uko mwakwata kubachetekela banenu,

Efeso 1:16

nshalekapo ukutotela Lesa pamulandu waku mwebo. Ndamwibukisha lonse mukulomba kwanji.

Efeso 3:21

Ichilonganino chimupele ubuleme muli Klistu Yesu, munkulo shonse umuyayaya. Ameni.

Efeso 5:20

Mutotole Lesa Bata inshita shonse pamulandu wafintu fyonse mwishina lyaku Bashikulu Yesu Klistu.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 1:3

Ndatotela Lesa wanji lonse ulo mwibukisha.

Kolose 1:3

Lonse tulamutotela Lesa Wishi wa Mfumu yesu Yesu Klistu ulo tumulombelako.

1 Tesalonika 1:2

Tulatotela Lesa lonse pamulandu wenu, nakambi tulamushimbula lonse mukulomba kwesu.

1 Tesalonika 2:13

Icho tutotelapo Lesa lonse nimukuti ulo mwaumfwile Amashiwi aku Lesa awo twamushimikile, mwaliyapokelela tekubati mashiwi amuntu iyowo, kuntu kubati nimfilya aaba, mashiwi aku Lesa. Amashiwi nga eyakopyunga umulimo muli mwebo abachetekela.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

2 Timoti 1:3

Nkototela Lesa uyo mombela nomutima wabuta kubati nimfilya fyachitile ifikolwe fyanji. Ndatotela ulo nkokulanguluka mumapepo anji akasuba nobushiku.

Filimoni 1:4

Ndatotela Lesa wanji lonse, nokukulangulukilako mukulomba kwanji.

Hebele 13:15

Echo katulokutondayisha Lesa muli Yesu. Ukuti abe ichipupo chesu. Ukutotela kwesu kube kubati fitwalo fyabantu abasumina mwishina lyakwe.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!