Loma 1:7 - Chipangano Chabwangu

⁷ Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

Loma 1:7 ပူးပေါင်းရင်းမြစ်များ

Mateyo 5:16

Efyo bwenesheni ukusanika kwenu pamenso abantu ukuti babone imilimo yenu iiweme, ukwebati bachinshike Bashinwe bamumulu.

Yohane 20:17

Yesu asosele ati, “Winjikata pakuti nshilabwelela kuli Bata. Nomba koya kuli bawesu ukasose nabo ati nkoya kuli Bata abali e Bashinwe, kuli Lesa wanji uuli e Lesa wenu.”

Imilimo ya batumwa 15:23

Babapele nakalata nji apalembelwe nga amashiwi, “Mwe bawesu, fwebo abatumwa nabachilolo abachilonganino tukomuposha umutende bonse abenafyalo abachetekela abekala mu Antiyoki, Siliya namu Silisiya.

Imilimo ya batumwa 9:13

Ulo aumfwile mfi Ananiyasi ayasukile ati, “Bashikulu nalyumfwa kubenji imilandu yonse iibi iyo ngu muntu achita kubantu benu mu Yelusalemu.

Loma 1:6

Namwe muli bamo abayitwa na Lesa ukuti mube abaku Yesu Klistu.

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Loma 5:5

Ukulindila nako kulatukoselesha pantu twalishiba ukuti Lesa aatutemwa ukwinekantu ukupitila mu Mupashi Wabuta uwo atupela.

Loma 8:28

Twalishiba ukuti mufintu fyonse Lesa alafitungulula ubune kuli bo abamutemwa, abo ayita ukulingana nokufwaya kwakwe.

Loma 8:39

nangu ichalo chamumulu nangu ichapanonshi, nangu ichabumbwa ichili chonse. Takupo ichintu nangu chimo ichakutulekanya kuchitemwiko chaku Lesa icho tukwete muli Klistu Yesu Imfumu yesu.

Loma 9:25

Mfi efyo Lesa asosa mwibuku lyakwa Hoseya, “Abantu abo abatali banji, nakubeta abantu banji. Umutundu uyo napatile, nakuwita ‘Abatemwekwa banji.’

1 Kolinto 1:24

Nomba kuli bo Lesa ayitile, Abayuda nabenafyalo, balishibile ukuti Klistu efiso fyaku Lesa nomulangwe waku Lesa.

1 Kolinto 16:23

Ubwanshi bwaku Bashikulu Yesu bube namwe.

Galatiya 6:18

Ubwanshi bwaku Bashikulu Yesu Klistu bube namwebo bawesu. Ameni.

Efeso 1:2

Lesa Bata na Bashikulu Yesu Klistu bamupe ubwanshi nomutende.

Efeso 6:23

Lesa Bata na Bashikulu Yesu Klistu bapele bawesu bonse umutende, ukutemwa nechichetekelo.

Filipi 1:2

Ubwanshi nomutende ukufuma kuli Lesa Bata na Bashikulu Yesu Klistu fibe namwe.

Filipi 4:13

Ningachita ichili chonse pakuti Klistu eumpela ifiso.

Filipi 4:20

Lesa Bata wesu achinshikwe umuyayaya. Ameni.

Filipi 4:23

Ubwanshi bwaku Bashikulu Yesu Klistu bube namwebo bonse.

Kolose 1:2

Namulembela mwe bantu baku Lesa bayikala mu Kolose, mwe bawesu abachetekela muli Klistu. Lesa Bata amukwatile ubwanshi nokumupela umutende.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

1 Tesalonika 1:1

Nine Paulo, Sailasi pamo na Timoti. Tukolembela mwebo mwe chilonganino chaku Tesalonika, ichaku Lesa Bata na Bashikulu Yesu Klistu. Ubwanshi nomutende fibe namwebo.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

1 Tesalonika 1:4

Mwe bawesu, tulishibile ukuti Lesa alimutemwa ukwinekantu, nakambi alimusala ukuti mube abantu bakwe.

1 Tesalonika 4:7

Pakuti Lesa taatwitilepo ukuti twikale mukubifya iyowo, kuntu mukubuta.

1 Tesalonika 5:28

Ubwanshi bwaku Bashikulu Yesu Klistu bube namwebo bonse.

2 Tesalonika 1:2

Lesa Bata na Bashikulufwe Yesu Klistu bamupele ubwanshi nomutende.

2 Tesalonika 3:16

Lekeni Bashikulu abene bamutende bamupele umutende munshita namunshila shonse. Bashikulu wesu babe namwebo bonse.

2 Tesalonika 3:18

Bashikulu wesu Yesu Klistu bamukwatile ubwanshi bonse.

1 Timoti 1:2

Nkokulembela webo Timoti mwana wanji uwakwebesha muchichetekelo. Lesa Bata na Klistu Yesu Bashikulu wesu bakupele ubwanshi, inkumbu, elo nomutende.

1 Timoti 6:2

Abasha abatekwa kubena Klistu, belokubachushapo iyowo pantu niba wabo. Elo bapyunge ukuchilapo kale pakuti bo abakumwenamo nimbalya abachetekela, abatemwekwa kuli bo. Mfi efyo ulingile ukusambisha nokubilisha.

2 Timoti 1:2

Nkolembela webo Timoti, mwana wanji uwatemwekwa. Lesa Bata na Klistu Bashikulu wesu bakukwatile ubwanshi, inkumbu nomutende.

2 Timoti 4:22

Bashikulu babe namwebo bonse. Ubwanshi bwaku Lesa bube kuli mwebo bonse.

Taitasi 1:4

Kalata nji nkolembela webo Taitasi mwana wanji pamulandu wachichetekelo icho fwebo babili tuli nacho. Lesa Bata pamo na Klistu Yesu Umupulushi wesu bakupele ubwanshi nomutende.

Filimoni 1:25

Ubwanshi bwaku Bashikulu Yesu Klistu bube namwebo bonse.

Filimoni 1:3

Lesa Bata pamo na Bashikulu wesu Yesu Klistu bamupele ubwanshi nomutende.

Yemusi 1:1

Nine Yemusi, umupyungi waku Lesa na Bashikulu Yesu Klistu. Namuposha umutende bonse mwe bantu baku Lesa abapalangana mpanga yonse.

1 Petulo 1:15

Kubati nimfilya ali Uwabuta ngulya uwamwitile, namwe mube fyenka mfilya.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

2 Yohane 1:3

Lesa Bata na Yesu Klistu Umwana wabo batupele ubwanshi, ichisa nomutende. Mfi fibe nafwebo muchine namukutemwa.

Ukufisulula 2:1

“Uutangilila ichilonganino chakubena Efeso umulembele: “Nga mashiwi afuma kuli uyo uwakwata intandala shisano na shibili mukuboko kwakwe ukwamulyo nokwenda pakati kafyakutekapo inyali ishagolide shisano na shibili.

Ukufisulula 2:12

“Uutangilila ichilonganino chaku Pegamamu umulembele: “Nga mashiwi aafuma kuli uyo ukwete umwele utwile konse-konse.

Ukufisulula 2:18

“Uutangilila ichilonganino chaku Tayatila umulembele: “Nga mashiwi aafuma ku Mwana waku Lesa uwakwata amenso aabeka kubati lubingu lwamulilo. Amakasa akwe abengeshima kubati ninshimbi bafuma mukusubako muti.

Ukufisulula 2:29

“Uyo uuli namatwi, omfwe ifyo Mupashi Wabuta ukososa kufilonganino!

Ukufisulula 2:8

“Uutangilila ichilonganino chaku Simuna umulembele: “Nga mashiwi aafuma kuli uyo uuli ekutatika nokulekelesha, uyo uwafwile nomba ali nobumi.

Ukufisulula 22:21

Ubwanshi bwaku Bashikulu Yesu bube namwebo bonse. Ameni.

Ukufisulula 3:14

“Uutangilila ichilonganino chaku Lawodisiya umulembele: “Nga mashiwi aafuma kuli Ameni, kamboni uwabuchetekelo nechine. Entulo iyafibumbwa fyonse ifyaku Lesa.

Ukufisulula 3:22

“Uyo uuli namatwi, omfwe ifyo Mupashi Wabuta ukososa kufilonganino!”

Ukufisulula 3:7

“Uutangilila ichilonganino chaku Filadelufiya umulembele: “Nga mashiwi aafuma kuli uyo Uwabuta nowachine. Alikwete ulufungulo lwakwa Davide. Engulya uwakuti nga ayisula, tapapo uwakwisala, nakambi nga ayisala, tapapo uwakwisula.