Loma 1:30 - Chipangano Chabwangu

³⁰ ukusapulula abanabo nokupata Lesa. Abansele, abamiya nakambi abakwitutumuna. Balanguluka bwaka inshila shakuchitilamo ifibi. Elo tabomfwilapo abafyashi babo.

Loma 1:30 ပူးပေါင်းရင်းမြစ်များ

Mateyo 15:4

Pakuti Lesa alimwebele ati, ‘Ulokuchinshika bawiso nabanoko,’ nokuti, ‘Uwatuka bawishi nangula banyina alingile ukumwipaya.’

Mateyo 16:21

Ukufuma panshita njilya Yesu atatikile ukulondolwela abakusambila bakwe ati, “Ningile ukuya ku Yelusalemu uko abakulu Babayuda, intungulushi shabachipupila, nabasambishi ba Mafunde bakuya kunchusha ukwinekantu nokunjipaya. Nomba mukasuba kalenga shitatu nakwisa kubuka kubafwa.”

Luka 21:16

Mwakwisa kwembulwa kubafyashi benu, bawenu, abamukowa wenu, nefibusa fyenu. Elo bambi abamuli mwe bakwipayikwa.

Yohane 7:7

Elo abantu bapano chalo tekuti bamupatepo. Nomba nebo balinsulile pantu ndabeba ati imilimo yabo iibi.

Imilimo ya batumwa 5:36

Muleyibukisha ukuti kwali umuntu uwalikwitwa Teyudasi! Ngu alikuyitutumuna ukuti muntu umukulu. Echo nabantu imyanda ine balimukonkele. Nomba balimwipeye, elo nabasambishi bakwe bonse balipalangene, nechilonganino chakwe kachipwa.

Loma 2:17

Webo, we uyita ukuti uli mu Yuda, ulashintilila pa Mafunde nokwitakisha muli Lesa.

Loma 2:23

We uuyitakisha mu Mafunde aku Lesa, napo tauletelapo Lesa insoni ulo utoba Amafunde nga?

Loma 3:27

Chindo nomba twingayitakishishapo? Tapapo. Nipamulandu ndo? Napo nipakuti tukolama Amafunde? Iyowo, pakuti ichikulu kuli Lesa tenchito muntu achita, kuntu kuchetekela bwaka.

2 Kolinto 10:15

Tatwitondayishapo ukuchila amalile mumilimo yabantu bambi abali kupyunga pakati kenu. Ichikulu tukolindila ukuti ichichetekelo chenu chakukula, nokuti umulimo wesu pakati kenu wakukula, nomba tekuchilapo amalile esu.

2 Kolinto 12:20

Nkotina ukwebati nga nayisa kuli mwe, nalimo kuti namusanga abapusene namulya ningafwayila. Nkotina ukuti nalimo namwe mungansanga abapusene namo mungafwayila. Nkotina ukuti nalimo nakumusanga mukotosha, mukofimbila, mukonyeka imitima, kuyitemwa, ukutuka insele, ukwefya, ukuyitutumuna, elo nechimfulunganya.

2 Tesalonika 2:4

Engulya uukotalikana na Lesa nokuyibika pamulu pali fyonse fikoyitwa ati balesa nangula ifyo balomba. Akwibika namunanda yaku Lesa. Elo akuyita ati ni Lesa mwine.

2 Timoti 3:2

Pakuti abantu bakuba abakwitemwa, abatemwa indalama, abakwitutumuna, abamusalula, abansele, abashumfwila abafyashi babo, abashitotela, nakambi abashilomba Lesa.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

Yemusi 3:5

Efyo nolulimi lunini bwaka, kuntu lulayitakisha ukuchita ifintu ifikulu. Boneni ifyo akamulilo akanini efyo kangocha ichamushitu ichikulu.

Yemusi 4:16

Kubati ifyo chili nomba, mulayikusha nokwitakisha. Ukuyikusha konse ukwa mfi kubi.

2 Petulo 2:18

Mba bantu basosa amashiwi ayakuyitutumuna yapuneme aatakwetepo nakantu. Elo mukufunga ifibi ifyabuntunse, balachenjeleka abantu abapulwike bwangu pabanabo abekala mufibi.

Yuda 1:16

Abantu mba lonse balayilishanya nokubepesha bambi. Bakonka bwaka mufyabipa ifyo bakofwaya benka. Balasosa ifyakuyisalula benka. Elo balapoka ububoni mubuchenjeshi.