Loma 1:28 - Chipangano Chabwangu

²⁸ Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

Loma 1:28 ပူးပေါင်းရင်းမြစ်များ

Imilimo ya batumwa 17:23

Pantu ulo ndepitana mumushi wenu, nokubona umo mulombelamo, nabona ichipupililo chimo apalembwa ati, ‘Kuli Lesa uutayishibikwa.’ Kanshi ngu mulomba mukuteshiba, eye nebo nkofwaya ukumulondwelelako.

Imilimo ya batumwa 17:32

Ulo baumfwile Paulo akososa ifyakubuka kubafwa, bambi balikumuseka, kuntu bambi nabo balikusosa bati, “Twakwisa kumfwako nakambi amashiwi nga.”

Loma 1:18

Ubukali bwaku Lesa bukofisuluka ukufuma kumulu. Akokalipila abantu pamulandu wakubifya kwabo nokutamuchinshika. Mukubifya kwabo, bashimayisha ichine ukwebati chiyishibikwapo.

Loma 1:21

Nachine Lesa balimwishibile, kuntu tabamupelako umuchinshi nangu ukumutotela. Elo mumalangulushi abo tamupo ifyamano. Bayiwula nemfimfi, echo balanguluka ifyabwaka.

Loma 1:24

Echo Lesa abalekele mbalya bantu ukuchita ifibi ifyalikufwaya imitima yabo. Elo amalangulushi abo aakowele alengele ukuti bachite ifyamwansha nsoni nemibili yabo.

Loma 1:26

Nipamulandu wamfi epo Lesa abalekele ukuti balokuchita ifibi ifyamwansha nsoni. Abanakashi baya kubanakashi banabo, ichitalingilepo.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

2 Kolinto 10:5

Tulonaula ifitala fyonse ifilenga abantu ukuteshiba Lesa. Tulachimfya amalangulushi onse ukuti anakile Klistu.

Efeso 5:4

Elo mwisosapo ifipuneme nangu ifitakwetepo akantu, kuntu mulokusosa bwaka ifyakutondayisha Lesa.

2 Tesalonika 1:8

Akwisa nolubembela lwamulilo mukulanga bonse bankoma-matwi abakana Lesa nokusuula Ubutumi Bwawama ubusosa ifyaku Bashikulu Yesu.

2 Timoti 3:8

Kubati ni Yenesi na Yambulesi bachitile ifikansa na Mosesi, emfyo mba bantu bakana ifyachine. Bantu ababa namalangulushi ayabi nechichetekelo chabo chabwaka.

Taitasi 1:16

Balasosa ati balimwishiba Lesa, kuntu ifyo bachita filabakanina. Bantu balupato abatalama amafunde, abatangachitapo imilimo iiweme.

Filimoni 1:8

Pakuti niwe wesu muli Klistu, ningakwata insambu yakukwebako icho ulingile ukuchita.

2 Petulo 3:5

Bakolabukila mumbo kuti Lesa abumbile iwulu kwishiwi, nechalo ulo apatwile umulundu namenshi.