Loma 1:21 - Chipangano Chabwangu

²¹ Nachine Lesa balimwishibile, kuntu tabamupelako umuchinshi nangu ukumutotela. Elo mumalangulushi abo tamupo ifyamano. Bayiwula nemfimfi, echo balanguluka ifyabwaka.

Loma 1:21 ပူးပေါင်းရင်းမြစ်များ

Yohane 3:19

Ubupingushi ifyo bwaba nimfi, ukusanika kulishile muchalo, kuntu abantu batemwa imfinshi ukuchila ukusanika, pantu imilimo yabo iibi.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 1:19

Lesa alabakalipila pakuti ifyo umuntu angeshiba ifyaku Lesa bo nabafishiba bwino-bwino. Lesa umwine ewabafisululwile mfi.

Loma 1:28

Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

Loma 11:10

Lekeni bapofule ukuti bebonapo. Lekeni amachushi alokukontamika imisana yabo lonse.”

Loma 15:9

nokupela abenafyalo ichintu ichakuchinshikilapo Lesa pamulandu wabwanshi bwakwe. Chili kubati nimfilya Amalembo asosa ati, “Nakukutondayisha pakati kabenafyalo, nakwimba inyimbo ishakukutondayishapo.”

2 Timoti 3:2

Pakuti abantu bakuba abakwitemwa, abatemwa indalama, abakwitutumuna, abamusalula, abansele, abashumfwila abafyashi babo, abashitotela, nakambi abashilomba Lesa.

1 Petulo 1:18

Mulishibile bwino icho amupulwishisheko kubwikashi bwenu ubo mwasambilile kufikolwe fyenu. Taamupulwishisheko kufintu ifyonayika kubati silubale na golide iyowo.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

Ukufisulula 14:7

Umungelo ngu alibilikishe neshiwi ilikulu ati, “Chinshikeni Lesa nokumutondayisha pakuti inshita iyakupingula abantu ilifikile! Mumulombe uwalengele umulu, ichalo, bemba notumfuku-mfuku twamenshi.”

Ukufisulula 15:4

Bashikulu, mba ninani ushingamutinapo, nokuchinshika ishina lyenu? Pakuti nimwebo mwenka mwe babuta. Imitundu yakwisa ukuti imulombe pakuti imilimo yenu ililungeme, nabantu bonse balibwene.”