Loma 1:17 - Chipangano Chabwangu

¹⁷ Pakuti Ubutumi mbu ebufisulula emo Lesa alungamikila abantu bonse. Inshila achitilamo mfi, ukutatika pakwamba ukufika nakumpelo, yachichetekelo. Kubati nimfilya Amalembo asosa ati, “Umuntu alungamikwa pamulandu wakuchetekela, elo alaba nobumi.”

Loma 1:17 ပူးပေါင်းရင်းမြစ်များ

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Loma 10:3

Pakuti tabayishibapo inshila iyo Lesa alungamikilamo abantu. Balyesha ukuyisangila inshila yabo. Tabanakilapo inshila iyo Lesa alungamikilamo abantu iyowo.

Loma 3:21

Nomba Lesa atufisulwila inshila iyo alungamikilamo abantu. Tayikwetepo akantu nefyakulama Amafunde iyowo nangu Amafunde akwa Mosesi nabasoseshi filayachitila bukamboni.

Loma 3:22

Abantu balalungamikwa na Lesa mukuchetekela Yesu Klistu. Lesa alachita mfi kuli bonse abachetekela muli Klistu. Takupo akapatulula iyowo.

Loma 3:3

Nga chakuti bambi muli bo tabachetekelwa? Napo nchi chikoyalula ukwebati Lesa naye aba uutachetekelwa?

Loma 9:30

Nomba findo twakusosa? Abenafyalo tabalikufwayilisha ubulungami bwaku Lesa, kuntu Lesa alibabona nga abalungama ukupitila mukuchetekela kwabo.

2 Kolinto 3:9

Nga umulimo wakupela imilandu bantu wali wamuchinshi, ekwebati umulimo uulenga abantu ukuti bapuluke wakuba wamuchinshi ukuchilapo.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Galatiya 3:11

Nomba twabona ukwebati Lesa tangalungamikapo umuntu uuchita ifyo Amafunde asosa. Pakuti Amalembo asosa ati, “Uyo umuntu Lesa apokelela nga uwalungama pakuti akochetekela, akuba nobumi butashila.”

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

Hebele 10:38

Umuntu uyo Lesa alungamika, akuba nobumi pakuchetekela. Nga abwelelela panuma, nebo nshakamusekelelepo iyowo.”