Loma 1:16 - Chipangano Chabwangu

¹⁶ Nebo nshakwatapo nsoni pa Butumi Bwawama, pakuba efiso fyaku Lesa mukupulusha abantu bonse abachetekela, ukutatikila ku Bayuda elo nakubenafyalo.

Loma 1:16 ပူးပေါင်းရင်းမြစ်များ

Maliko 8:38

Pakuti uyo onse uwakuba nensoni pamulandu waku nebo namashiwi anji, muli njino nkulo iibipile, Umwana wa Muntu naye akwisa kumukwatila insoni ulo akwisa mubuleme bwaku Bawishi pamo nabangelo bakwe ababuta.”

Luka 9:26

Kati umuntu akukwata insoni pamulandu waku nebo namashiwi anji, Umwana wa Muntu naye akwisa kumukwatila insoni ulo akwisa mubuleme bwakwe nobwaku Bawishi pamo nabangelo ababuta.

Yohane 7:35

Epo abakulu ba Bayuda batatikile ukufumbashanya ati, “Nikwisa uko engaya uko fwebo tatungamusanga? Napo kuti aya kumushi waba Giliki ukwikala abantu besu nokuya kubasambisha?

Imilimo ya batumwa 3:26

Mfi nomba Lesa abushishe Umupyungi wakwe, amutumine kuli mwebo ukuti amushukishe ukupitila mukwalula onse muli mwebo ukufuma kumabifyo akwe.”

Loma 10:17

Epo ichichetekelo chifuma mukumfwa Ubutumi Bwawama, nobutumi mbu bwisa mukubilisha ifyaku Klistu.

Loma 15:19

mufiso ifikulu nefyakushimbwisha, elo namufiso ifya Mupashi Wabuta. Echo nalishimikile Ubutumi Bwawama ubusosa pafyaku Klistu konse nalikuya, ukutatikila mu Yelusalemu ukufikila naku Ililikumu.

Loma 15:29

Ndishibile ukuti ulo nakwisa kuli mwe, nakumuletela amashuko ayenji ayaku Klistu.

Loma 2:9

Amachushi nokufinya fyakwisa pali bonse abachita ifibi, ukwambila ku Bayuda, elo nakubenafyalo.

Loma 4:11

Abulahamu alishilimunwa panuma ukuti chibe ichishibilo ichakulanga ukuti Lesa amubwene uwalungama pakuchetekela kwakwe. Nomba Abulahamu ewishibo bonse abachetekela Lesa, na Lesa alabapokelela nga abalungama nangula tabashilimunwapo.

1 Kolinto 15:2

Lesa akumupulusha ukupitila mu Butumi Bwawama mbu kati mukosunga bwino amashiwi akwe kubati nimfilya namwebele. Achatali mfi, ukuchetekela kwenu nga kwali kwabwaka.

1 Kolinto 2:2

Pakuba ulo nali pali mwe, nshalikufwayapo ukwishiba akantu akali konse, kuntu Yesu Klistu enka nemfwa yakwe iya pamutanshi.

1 Kolinto 2:4

Echo ulo nalikusosa nangula ukushimika, nshasoselepo amashiwi aamulangwe, ukufwaya ukukoboola wabuntu iyowo, kuntu nabalangile nechishibilo ichafiso fyaku Mupashi Wabuta.

1 Kolinto 9:12

Kati bambi balilingile ukupokelelako mfi, napo fwebo tatwachilapo pali bo? Nomba insambu nshi tatwashibomfeshepo iyowo. Twalishipikishe ukutina ati twinganenusha abantu munshila iili yonse ukuti bapokelele Ubutumi Bwawama ubusosa ifyaku Klistu.

1 Kolinto 9:18

Nomba ichilambu chanji nindo? Ala, ninchi ichakwebati ndokubilisha Ubutumi Bwawama ukwambula amalipilo nokutalindila ukupokelela ifyalinga mukubilisha Ubutumi mbu.

2 Kolinto 2:12

Ulo nafikile ku Tuloasi ukuti nkashimike Ubutumi Bwawama ubusosa ifyaku Klistu, nalisangile Bashikulu baliswile kale inshila ukuti mpyunge umulimo nkulya.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

2 Kolinto 9:13

Pakuti ichabupe bwenu nchi chikomuchitila bukamboni ubwakuti inkumbu shenu shachine, bo bakutondayisha Lesa pamulandu wakunakila Ubutumi Bwawama ubwaku Klistu ubo muyebelela. Bakuchita mfi nakambi pamulandu wakwakana nabantu bo elo nabambi ifintu ifyo mukwete.

Galatiya 1:7

Pakuba tapapo “Ubutumi Bwawama bumbi” iyowo, kuntu kuli bantu bambi abakofwaya ukumufulunganya ukupitila mukusendeka Ubutumi Bwawama ubukososa ifyaku Klistu.

1 Tesalonika 2:13

Icho tutotelapo Lesa lonse nimukuti ulo mwaumfwile Amashiwi aku Lesa awo twamushimikile, mwaliyapokelela tekubati mashiwi amuntu iyowo, kuntu kubati nimfilya aaba, mashiwi aku Lesa. Amashiwi nga eyakopyunga umulimo muli mwebo abachetekela.

1 Timoti 1:11

Ichisambililo nchi chikosangwa mu Butumi Bwawama ubo Lesa uwamuchinshi nakambi uwashuka ampele.

2 Timoti 1:12

Echo nkochulila mfi. Nangu chibe mfi, nshuumfwapo insoni iyowo pakuti ndimwishibile uyo nachetekela. Elo nalishininkisha ukuti kuti ansungisha bwino ukufikila pakasuba kabupingushi ifyo ampele ukuti nsunge.

2 Timoti 1:16

Bashikulu bakwatile inkumbu ulupwa lwa Onesifolasi, pakuti inshita ishinji alensansamusha. Tabelepo nanebo insoni nangu nali muchifungo.

2 Timoti 1:8

Wibapo nensoni ukubela bukamboni Bashikulu wesu. Nakambi wibapo nensoni pamulandu waku nebo ne uuli muchifungo pamulandu wakwe. Nomba uyipekanye ukuchula pamulandu Wabutumi Bwawama ukulingana nefiso ifikupela Lesa.

Hebele 4:12

Pakuti amashiwi aku Lesa abumi nakambi afiso. Alitwa ukuchila umwele uwatwa konse-konse. Alaputula pakati kabumi nomupashi, amafupa nobutomfyo bwamumafupa. Elo alapingula amalangulushi namapange aamuntu.

1 Petulo 4:16

Nomba nga mukochula pakuti muli bena Klistu, mwiumfwapo nsoni, kuntu muchinshike Lesa pamulandu weshina lyenu.