Loma 1:14 - Chipangano Chabwangu

¹⁴ Pakuti ndi nenchito yakushimika kubantu bonse, kubasambilila kubati Bagiliki nabatasambilila, kubamano nabapuneme.

Loma 1:14 ပူးပေါင်းရင်းမြစ်များ

Mateyo 11:25

Pali njilya nshita Yesu asosele ati, “Bata, mwe Kateka wamulu nechalo! Nkomutotela pantu mwalanga mfi ifintu kubatasambilila ifyo mwafishile kubamano nabasambilila.

Luka 10:21

Pali njilya nshita, Yesu asekelele mu Mupashi Wabuta nokuti, “Bata, mwe Shikulu wakumulu nechalo! Nkomutotela pantu mwalanga mfi ifintu kubatasambilila ifyo mufishile kubamano nabasambilila. Ina, Bata, nchi echo mwatemenwe ukuti chichitikwe mukufwaya kwenu.

Imilimo ya batumwa 22:21

Elo Bashikulu banjebele ati, ‘Koya bwaka, pakuba nkokutuma ukutali kubenafyalo.’”

Imilimo ya batumwa 28:2

Abantu batupokelele bwino-bwino. Imfula yalikuloka, elo nempepo eko yali ukwinekantu. Echo bakoseshe umulilo nokutupokelela bwino-bwino bonse.

Imilimo ya batumwa 28:4

Ulo abantu bamuchishi babwene mfi, batatikile ukusoshanya benka ati, “Nachine ngu muntu chipondo nangu apuluka kumenshi, kuntu lesa wamwelanya takofwayapo ukuti akwate ubumi.”

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

Loma 1:22

Bo bayitondayisha ukuba abamulangwe, kanshi bapuneme.

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 12:16

Mulokumfwana lonse. Mwiitutumunapo, kuntu mutemwane nabantu bwaka. Mwilokuyilangulukapo ukuba abamulangwe.

Loma 13:8

Mwilokuba nenkongole kumuntu nangu umo kano nji iyakutemwana umo nomunakwe. Uutemwa wakwe, alama ifyo ifisosa Amafunde aku Lesa.

Loma 16:19

Abantu bonse balyumfwa ifyo munakila Lesa. Echo nkotemwa pamulandu wenu. Nomba nkofwaya ukuti mube nomulangwe pafintu ifiweme. Mwipumfiwapo nefibi.

Loma 8:12

Epo nomba, mwe bawesu, tulikwete umulimo, kuntu tewakusekesha imibili yabuntunse yesu iyowo.

1 Kolinto 14:11

Nomba nga nshishibilepo ifyo akososa, ndimwinafyalo kuli ye, elo naye mwinafyalo kuli ne.

1 Kolinto 14:16

Nga mukotota Lesa nomutima wenu wenka, nga umuntu uuli namwe pamo uutayishibapo ifyamumutima wenu, angasosa shani ati, “Ameni” pakulomba kwenu ukwakutotela Lesa ulo ye teshibilepo ifyo mukososa?

1 Kolinto 2:13

Kanshi ifyo tusosa, temashiwipo amulangwe wabantu, kuntu mashiwi awo Mupashi Wabuta atusambisha. Tusambisha ifyachine ifyamupashi kubantu abakwata Umupashi Wabuta.

1 Kolinto 3:18

Mulokuyibepapo. Nga umuntu umbi pali mwe akoyilanguluka ukuba uwamulangwe, ukusosa pafintu ifyapanonshi, alingile ukuboneka nga uupuneme ukwebati aaluke uwamulangwe.

2 Kolinto 10:12

Tekwebati tukolinganya nangu ukuyipima nabambi abakoyipela benka bukamboni. Bayipunamika bwaka benka pakuyilinga pachipimo chabo nokuyilinga kubanabo aba muli bo.

2 Kolinto 11:19

Mwebo mukoti muli abamano, echo abantu bapunama mukobalekelela bwaka mukutemwa.

Kolose 3:11

Mubumi mbu tapapo ubupusano pakati ka Bayuda nabenafyalo, uwashilimunwa nangu uutashilimunwapo, abatasambilila, bankalwe, abasha nangu ababwanalale, kuntu ichikulu ni Klistu uwaba muli bonse.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.