Loma 1:13 - Chipangano Chabwangu

¹³ Echo bawesu, nkofwaya mwishibe ukuti inshita ishinji nalikufwaya ukwisa ukumutandalila, kuntu ifintu fimbi filankanya ukuchita nchi. Nkofwaya ukwalula bamo abamuli mwebo kubati nimfilya nachitile kubenafyalo bambi.

Loma 1:13 ပူးပေါင်းရင်းမြစ်များ

Yohane 12:24

Nachine nkomweba ati, nga uluseke lwaku tiligu taluponene mumushili nokufwa, lulaba lumo bwaka. Nga lwafwa, elo lumena nokutwala inseke ishinji.

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Yohane 4:36

Umuntu uukolobolola ulalipilwa mumulimo wakwe nakambi akalobolola ifitwalo fyabumi butapwa. Epo umuntu uubyala nangulya uulobolola bakwisa kusekelela pamo.

Imilimo ya batumwa 1:15

Ulo papitile inshiku shinini, kwali ukulongana kwabachetekela bonse. Pamo bafikile kubati mwanda umo namakumi abili. Elo Petulo ayimakene pakati kabo nokusosa ati,

Imilimo ya batumwa 14:27

Ulo bafikile ku Antiyoki, balongenye abena Klistu nokubashimikilako ifyo Lesa apyungile nabo, nefyo Lesa ayiswile inshila ukuti abenafyalo bachetekele.

Imilimo ya batumwa 15:12

Ibumba lonse lyakutumene chelele kumashiwi alikusosa Paulo na Banabasi. Balikushimika pafintu ifikulu nefyakushimbwisha fyonse ifyo bachitile kubenafyalo kufiso fyaku Lesa.

Imilimo ya batumwa 19:21

Ulo mfi fyonse fyachitikile, Paulo apingile ukuya ku Yelusalemu, ukupita muchalo cha Masedoniya naku Akeya. Alangulukile ati, “Nga nafuma nku, nakuya ku Loma.”

Imilimo ya batumwa 21:19

Ulo Paulo ashilile ukubaposha, atatikile ukubalondolwela ifintu fyonse ifyamilimo iyo Lesa achitile kubenafyalo mukupyunga kwakwe.

Imilimo ya batumwa 28:14

Kwenka nkulya twasangileko bambi abachetekela muli Klistu. Nabo batupapatile ukwikala nabo umulungu umo. Elo twalimakene nokuya ku Loma.

Loma 1:12

Umo ndoseshe nimukuti tukoseleshanye muchichetekelo. Mwebo mukankoselesheko muchichetekelo chenu, namwe muli chanji.

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

Loma 7:1

Mwe bawesu, nkososa kuli mwebo abayishiba Amafunde. Mulishibile bwino-bwino ukuti Amafunde asosa kuli bo abachili nobumi.

1 Kolinto 1:10

Mwe bawesu nkomupapata, mwishina lyaku Bashikulu Yesu Klistu ukuti mulokumfwanina pamo bonse. Pelokubapo ukupatukana pakati kenu, kuntu mulokumfwana nomutima umo, elo necho mufwaya.

1 Kolinto 10:1

Bawesu, nkofwaya ukumwishibishako ifyachitikile kufikolwe fyesu ifyakale mfilya. Bonse balikutanjililwa nekumbi elo bonse bayabukile Bemba Uuswetele.

1 Kolinto 12:1

Nomba mwe bawesu, nshikofwayapo ukuti mulokuluba pamulandu wafya bupe bwa Mupashi Wabuta.

1 Kolinto 14:20

Bawesu, lekeni ukulanguluka nga utwaiche. Ukulosha kububi mube utucheche, nomba mukulanguluka kwenu, mube abakulu.

1 Kolinto 14:26

Findo nakusosa bawesu? Ulo mulongana pamo, umbi ali nolwimbo, umbi neshiwi alefwaya ati asambilishe, umbi ali nakantu kambi ako Lesa amufisulwila, umbi naye akusosa mundimi ishitayishibikwapo, elo umbi naye wakwalula. Nomba fyonse mfi fichitwe mukukoselesha ichilonganino.

1 Kolinto 9:2

Nangu tanshilipo umutumwa kuli bambi, kuntu kuli mwebo ndi mutumwa pakuti muli ichishibilo ichabutumwa bwanji muli Bashikulu.

2 Kolinto 1:8

Nomba bawesu nkofwaya ukwebati mwebe amachushi awo twakumene nawo mu Asiya. Balituchushishe ukuchisha pafiso fyesu ichakuti tatwali kulangulukapo ukwebati twakuba abomi.

2 Kolinto 2:14

Tutotele Lesa uututungulula muli Yesu mukuchimfya ishita shonse. Ukupitila muli fwebo, Lesa akopela abantu bonse amano yakwishiba Klistu. Elo amano nga akopalangana mpanga yonse kubati chena ichiweme.

Galatiya 3:15

Mwe bawesu, nkobomfya ichakubwenako ichanshiku shonse. Nga abantu babili baumfwana nokusuminishanya pachintu chimo, tapapo nangu umo uwingonaula nangu ukulundapo iyowo.

Galatiya 6:18

Ubwanshi bwaku Bashikulu Yesu Klistu bube namwebo bawesu. Ameni.

Filipi 1:22

Nomba nga ukuba nobumi kuti nakwata ishuko lyakubomba imilimo yakubwenesha ifitwalo, kanshi nshinshibilepo ichakusalapo.

Filipi 4:17

Tekwebati nkofwaya ichabupe kuli mwe, kuntu nkofwaya ukuti mushukishiwe pakupela kwenu.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

Kolose 1:6

Ubutumi mbu buleta ukushuka nokumfwika muchalo chonse nga fintu bwaumfwika kuli mwebo, ukufuma bwaka pakasuba mwasumine ubwanshi bwaku Lesa muchine.

1 Tesalonika 2:18

Echo twafwayile ukwisa bwangu kuli mwebo. Ina, nebo ne Paulo nalilwishishe ukubwelelamo mukwangufyanya, lelo Satana tekuti atulekepo.

1 Tesalonika 4:13

Mwe bawesu, tukofwaya ukumwebako pali mbalya abafwa ukuti mwilokusakamanapo ukubati nimulya abashikwete ukulolela mukubuka.

2 Tesalonika 2:7

Napali njino nshita ububi epo bwaba, kuntu mubumfinsolo. Tekuti afisululwepo nomba ukufikila akafume ngulya uukomukanya.

2 Timoti 4:17

Nomba Bashikulu balikele pamo nandibo, nokumpela ifiso ukuti mbilishe amashiwi yabo ukufikapo ukwebati abenafyalo bomfwe. Ekwebati nalipuluka mukanwa kankalamo.