Loma 1:11 - Chipangano Chabwangu

¹¹ Pantu nkofwayisha ukwinekantu ukumubona, ukuti njise mwakanyeko ifyabupe fimbi fyakumupashi ukuti mukoselesheko.

Loma 1:11 ပူးပေါင်းရင်းမြစ်များ

Imilimo ya batumwa 16:5

Echo abamufilonganino mfi bakosele muchichetekelo, nakambi balikulundwapo mumpendwa inshiku shonse.

Imilimo ya batumwa 19:21

Ulo mfi fyonse fyachitikile, Paulo apingile ukuya ku Yelusalemu, ukupita muchalo cha Masedoniya naku Akeya. Alangulukile ati, “Nga nafuma nku, nakuya ku Loma.”

Imilimo ya batumwa 19:6

Penkapo Paulo abikilepo amaboko pali bo no Mupashi Wabuta walibawilile. Batatikile nokusosa mundimi shimbi, nokubilisha Amashiwi aku Lesa.

Loma 1:12

Umo ndoseshe nimukuti tukoseleshanye muchichetekelo. Mwebo mukankoselesheko muchichetekelo chenu, namwe muli chanji.

Loma 15:23

Imyaka iinji nalikufwaya ukwisa kuli mwe. Nomba ndishilile imilimo yamuchifulo nchi. Echo nkolanguluka ukwisa kumubona

Loma 15:29

Ndishibile ukuti ulo nakwisa kuli mwe, nakumuletela amashuko ayenji ayaku Klistu.

Loma 15:32

Panuma, nga kufwaya kwaku Lesa, nakwisa kuli mwe nokutemwa.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

2 Kolinto 1:15

Pakuti pali mfi nali uwachetekela, nalilangulukile ukwebati njise mutandalile ukwebati mushukishiwe pakumutandalila imiku ibili.

2 Kolinto 1:21

Lesa eutushininkisha pamo namwebo muli Klistu. Ewatusubile, pamo namwebo

2 Kolinto 11:4

Nga umbi ayisa kubilisha Yesu umbi uwapusana nangulya twabilishe, mwebo mulakonka. Elo mulapokelela umupashi nobutumi bumbi ubwapusana no Mupashi Wabuta no Butumi Bwawama ubo mwapokelele kuli fwe!

2 Kolinto 9:14

Nomba bakumubwenesha ukutemwa kwabo pakumulombela pakuti Lesa amukwatile ubwanshi apakulu.

Filipi 1:8

Lesa ekamboni wanji ukwebati ndamufuluka nomutima wanji onse, pakuba nalimutemwa kubati kutemwa kwaku Klistu Yesu umwine.

Filipi 2:26

Akomufuluka ukwinekantu, nakambi akochula mumutima pakuti mwalyumfwile ukwebati aali kulwala.

Filipi 4:1

Echo mwe bawesu, nalimutemwesha, elo ndamufuluka. Mulansangalasha nakambi nimwe ingala yanji iyo mbekelamo. Mwe batemwekwa, imakaneni ndi muli Bashikulu.

1 Tesalonika 3:13

Echo Bashikulu bakoseleshe ukuti mube abaololoka nababuta ukufikapo kuli Lesa Bata, inshita Bashikulu Yesu Klistu bakwisa pamo nabasalwa babo.

1 Tesalonika 3:2

Emulandu wine twatumine Timoti, wesu nakambi umubomfi munesu uubilisha Ubutumi Bwawama ubusosa ifyaku Klistu. Twamutumine ukuti ese mukumukoselesha nokumwafwilishako muchichetekelo chenu.

2 Tesalonika 2:17

bamukoseleshe ukuti mulokusosa nokuchita ifintu ifiweme.

2 Tesalonika 3:3

Nomba Bashikulu bachishinka, bakulamukoselesha nokumuchingilila kuli njilya mbifi.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

1 Petulo 5:12

Nalemba kalata nji iipi mukwafwilishiwa na Siluvanasi, wesu uwachetekelwa. Nkofwaya ukumukoselesha nokupela bukamboni ukwebati mbu ebwanshi bwaku Lesa. Mwimakane ndi mubwanshi mbu.

2 Petulo 1:12

Echo shalekepo ukumwibukisha mfi inshita shonse nangu mulifishibile kale, elo mulachetekela ichine icho mwapokelele.